Psalm 107:41 - Edo Bible (E Baibol Ẹdo) Version 1996

⁴¹ Sokpan ọ yuo iran ne ẹ i mwẹ hin usẹ iran rre, ọ keghi ya ẹgbẹe iran gha muan yọ zẹ vbe oghẹn ohuan.

Psalm 107:41 ပူးပေါင်းရင်းမြစ်များ

Gẹnẹsis 48:11

E Jekọb keghi tama e Josẹf wẹẹ, “Mẹ ma te kha ighẹ I gha ye miẹn uwẹ aro ọvbehe, sokpan, wanwanna nian, te Osanobua ghi vbe gunmwẹ bẹghe ivbuẹ.”

Job 21:11

Ivbi iran ghi gha ku, san yo san rre vbe ivbi ohuan.

Job 36:15

Sokpan, te Osanobua ye oya ne a re ma emwa emwi ọ ghi vbe ye usẹ rhan iran aro.

Job 42:16

Vbe iyeke ọnọna, e Job keghi ya ukpo ikiọkhọe (140) vbe agbọn ọ keghi tọ sẹrriọ wẹ ọ mu eyẹ kevbe ihiẹnhiẹn.

Job 5:11

Vbe ẹmwata, Osanobua ọ re ọ tọn ọmẹhẹ mu, ọ ghi vbe rhie oghọghọ ne ni khiẹ hia.

Job 8:7

Avbe emwi ne ọ wi ruẹ hia, ma zẹdẹ sẹ ne a gha ya giẹ, emwi ne Osanobua gha viọ ne uẹn ẹghẹ nii.

Psalm 128:6

Te u gha tọ ne u miẹn avbe eyẹ ruẹ! Ọfumwegbe gu Izrẹl rrọọ.

Psalm 78:52

Ẹkpo nii, ọ keghi su avbe emwa rẹn ladian zẹvbe ọsuohuan ọ keghi su iran la uwu ato gberra.

Itan 17:6

Te avbe ọmaẹn ye eyẹ iran hio zẹ vbe ne ibiẹka ikpia ye erha iran hio.

Jerimaia 31:27

“Nọyaẹnmwa ọ re ọ tae wẹ ẹdẹ dee ne I gha ye emwa nagbọn kevbe aranmwẹ vuọn otọ Izrẹl kevbe Juda.

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

I Samuẹl 2:21

E Nọyaẹnmwa keghi fiangbe Hanna, ọ keghi biẹlẹ emọ ikpia eha ọvbehe kevbe emọ ikhuo eva ọvbehe. Ọmọ okpia nii ighẹ Samuẹl keghi wan vbe uwu ugamwẹ e Nọyaẹnmwa.

I Samuẹl 2:8

Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.