U ghi tama rẹn wẹ mẹ ne Nọyaẹnmwa ọ re ọ tama rẹn wẹẹ, ‘U gbe ọmwa ran nẹ, te u ghi ra vbe rri ọ re ukhu ra? Tama rẹn wẹ vbenian ọre I khare. Ehe ne avbe ekita na lalọ esagiẹn e Nabot, evba dandaandan iran gha na vbe lalọ ọwuẹ!’ ”
Ẹmwẹ nii keghi wa sẹẹ vbe ọwarọkpa nii. A keghi khu e Nebukiadneza hin uwu ẹbu emwa nagbọn rre, ọ kegha rrii irunmwu zẹ vbe ẹmila, evbu kegha rhuẹ yan rẹn, eto ẹre keghi sọn, ọ vba ifuẹn oghohọn vbe utanmwẹ, ihiẹn ọnrẹn keghi ye vbe ọghe avbe ahianmwẹ.
“Ọ keghi vbe miẹn vbe iran hẹ yo hẹ rre vbe uwu ato, ato ne emwa i ye ne ẹhoho kpolo, ọ degue iran, ọ na gbe aro ghe iran zẹ vbe ne ọ gha ru egbe irẹn.
Wa larre ne uwa do rri efun egbe ọghe avbe ọba kevbe ekaokuo nekhua, ivbiyokuo, efun ẹsin kevbe emwa ni hin iran, efun emwa hia kevbe eviẹn kevbe eni yan egbe iran, kevbe ni kpọlọ kevbe ni kanmwa!”
Egbe wọ e Siseria sẹrriọ wẹ ọ na vbiẹ ua fan an an. Ẹre Jaẹl na rhie umọmọ kevbe ise ne a ya tan owa ukpọn, ọ na hẹko sikẹ ọre, ọ na so ise la ẹre akan ehọ ginna otọe. Rẹn keghi wu.
Sokpan, ọ ghi sẹ evba e Nọyaẹnmwa keghi rri ẹvbo ni oya ọ keghi fian otighi fi iran egbe. Osanobua keghi ya uruvba ne ọ munọ emwa rri iran oya, ọ keghi munọ emwa hia ke ibiẹka kevbe eniwanrẹn.