Psalm 107:33 - Edo Bible (E Baibol Ẹdo) Version 1996

³³ Nọyaẹnmwa si avbe ẹzẹ ka fẹfẹẹfẹ, ọ keghi dobọ avbe uhunmwu ẹzẹ ni lẹ obọ yi.

Psalm 107:33 ပူးပေါင်းရင်းမြစ်များ

I Ọba 18:5

Ehab keghi tama Obedaia wẹẹ, “Gie ima ya ghe ivbi ẹzẹ hia kevbe ekhuọrhọ ẹzẹ ni rre otọe na, a deghẹ a gha miẹn irunmwu ne ọ gha sẹ a ya koko avbe ẹsin kevbe ẹmila ne iran ghẹ wulo. U gha ghe, ma i ra gbele emwirri ima rhọkpa.”

Psalm 74:15

U ruẹe ne uhunmwu ẹzẹ kevbe ivbi ẹzẹ gha lẹẹ u kevbe silo avbe ẹzẹ nekhua ka.

Aizaia 42:15

I gha dunmwu oke negiẹrẹ kevbe nekhua I gha kaka irunmwu kevbe avbe erhan hia a I gha ya iya avbe ẹzẹ khian ato, I ghi si avbe odighi amẹ ka.

Aizaia 44:27

I ya ukpẹmwẹ ọkpa ne I tae sii okun ka.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Jerimaia 14:3

Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.

Ezikiẹl 30:12

I gha si e Naẹl ka, I ghi mu Igipt ye ototọ ẹtin emwa dan. Avbe orhunmwuyẹn gha dunmwu otọe nii hia a. Mẹ ne Nọyaẹnmwa ọre ọ tae.”

Joẹl 1:20

Uhin ighe te avbe aranmwoha vbe tu tie ruẹ rhunmwuda, avbe ẹzẹ kae.

Nahum 1:4

Ọ gu okun guan ọ keghi ka mu otọ! Ọ ru ẹe ne avbe ẹzẹ ka mu otọ. Oha ni rre Basan luẹluẹe. Te Oke Kamẹl ghi ba rriẹrriẹ, obobo ni rre Lebanọn fafaa.

Zẹfanaia 2:13

E Nọyaẹnmwa gha ya ẹtin ẹnrẹn fuẹn Asiria rua, ọ gha ya ore Ninevi khian itowa ne a lẹ sẹrae, ato ne amẹ i ye.

Zẹfanaia 2:9

Omwa vbene a na miẹn wẹ mẹ ọrọre Osanobua ne ọ rrọọ ọghe Izrẹl, I vẹn ihen nẹ wẹ te a ra fuẹn Moab kevbe Amọn zẹ vbe Sọdom kevbe Gomorra. Iran gha khian otọ uye umwẹ kevbe itowa ẹdẹdẹmwẹdẹ ne ekie hinrin. Iran ni ghi miẹn uhunmwu vbe emwa mwẹ gha hẹ rhu iran, iran ghi mu otọ iran.”