Psalm 107:22 - Edo Bible (E Baibol Ẹdo) Version 1996

²² Ọ kere ne iran zọ ese ya kpọnmwẹ ọẹn ne iran vbe ye ihuan oghọghọ, ta iwinna ne ọ winnaẹn hia.

Psalm 107:22 ပူးပေါင်းရင်းမြစ်များ

Psalm 116:12

De emwi ne imẹ gha rhie ne Nọyaẹnmwa rhunmwuda ẹse hia ne ọ ru mẹ?

Psalm 116:17

I gha zọ ese ekpọnmwẹ ghe ruẹ I ghi vbe na erhunmwu mwẹ ghe ruẹ.

Psalm 118:17

I i wu, sokpan, te I ra gha rre agbọn I ghi gha na iyẹn emwi ne Nọyaẹnmwa ru mẹ.

Psalm 27:6

Erriọ ọ re I gha na khọnmiotọ vbe uhunmwu avbe eghian mwẹ ni lẹga mwẹ. I gha ya urhu oghọghọ ne ọ la zọ ese vbe uwu Ọgua Osa ẹre. I gha so ihuan, I gha rho e Nọyaẹnmwa.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 73:28

Zẹvbe ọghomwẹ, u miẹn vbe ọ rhiẹnrhiẹn hẹ ne a sikẹ Osanobua! Ne Osanobua ne Udazi gha re ọmwa ne a lẹ gbinna, kevbe ne a gha na iyẹn emwi ne ọ he ru hia!

Psalm 9:11

Wa so ihuan ghe Nọyaẹnmwa, ne ọ khaemwisẹ vbe Zaiọn! Wa na iyẹn emwi ne ọ ru ma uhunmwu ẹvbo hia!

Psalm 9:15

Iran ni ma yayi dele ye uvun ne iran tọẹn. Ifi ne iran khuẹn munọ iran.

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Levitikọs 7:12

Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.