Psalm 107:2 - Edo Bible (E Baibol Ẹdo) Version 1996

² Wa dọlegbe ta avbe ẹmwẹ na ya rho e Nọyaẹnmwa, wa hia ne ọ dẹe werriegbe, ọ miẹn uwa fan nẹ vbe obọ eghian uwa.

Psalm 107:2 ပူးပေါင်းရင်းမြစ်များ

Psalm 106:10

Ọ miẹn iran fan vbe obọ iran ni khuiwu iran; ọ keghi yuo iran hin obọ eghian iran rre.

Psalm 130:8

Ọ gha miẹn Izrẹl ne emwa rẹn fan, hin uwu orukhọ iran rre.

Psalm 31:5

Wẹ ọ re I lẹ gbinna u ghi miẹn mwẹ fan Nọyaẹnmwa, Osanobua ne ọ gie a mu ẹtin yan, ọ re uwẹ khin.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Aizaia 35:9

Oduma i ra gha rre evba aranmwẹ ni khọ i ra la odẹ nii. Avbe emwa ne Nọyaẹnmwa dẹ werriegbe nẹ, gha la odẹ nii gha rrie owa.

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Aizaia 62:12

A gha tie uwa, “Emwa nọhuanrẹn ọghe Osanobua,” “Emwa ne Nọyaẹnmwa miẹnfan.” A gha tie Jerusalẹm, “Ẹvbo ne Osanobua ho ẹmwẹ ọnrẹn,” “Ẹvbo ne Osanobua ma fi Iyeke Gbe.”

Aizaia 63:4

Te I khare wẹ, ẹghẹ sẹe nẹ ne I gha na miẹn avbe emwa mwẹ fan, ẹghẹ sẹe nẹ ne I gha na rri eghian iran oya.

Jerimaia 15:21

I gha miẹn ruẹn fan vbe obọ ẹtin emwa dan kevbe emwa ọkhọ. Mẹ ne Nọyaẹnmwa ta ẹe nẹ.”

Jerimaia 31:11

I fannọ emwa Izrẹl kua nẹ I keghi vbe miẹn iran fan vbe obọ uhunmwu ẹvbo ne ọ wa mwẹ ẹtin.

Maika 4:10

Wa gha mannọ egbe ne uwa gha rriakọn, zẹ vbe okhuo ne ọ ra biẹ, wa ne ivbi e Jerusalẹm, rhunmwuda, te uwa ghẹ ghi kpao hin adesẹ ore rre, ne uwa ya di oha ya. Te uwa ghẹ ghi yo e Babilọn nian, sokpan, evba nii ọ re Nọyaẹnmwa ra na ya fannọ uwa ye otọ vbe ohọ eghian uwa.

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Iyẹn ne ọ Maan Ọghe Luk 1:74

Ọ wẹ rẹn gha miẹn mwa fan vbe obọ avbe eghian mwa. Ne ima miẹn otọ na gha gae vbe ne a i na fian afianma.

Iyẹn ne ọ Maan Ọghe Luk 24:21

Ma te wa rhie aro yọ ighẹ rẹn ọre ọ ra do miẹn ivbi Izrẹl fan, sẹhia sẹhia, nẹghẹdia ọre avbe emwi na hia ghi sunu.

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

Diuteronomi 15:15

Wa ghi yerre wẹ, eviẹn wa gha a khin vbe Igipt, e Nọyaẹnmwa ne Osanobua uwa keghi fannọ uwa kua, ọna ọ si ẹe ne I na rhie uhi na ne uwa.

Diuteronomi 7:8

Sokpan e Nọyaẹnmwa ho ẹmwẹ uwa, ọ na wẹ rẹn gha vbe mu eyan ne ọ yan ma avbe erha uwa odede sẹ. Ọna ọ si ẹe ne ọ na ya ẹtin ẹnrẹn nọkhua miẹn uwa fan, ọ na fannọ uwa kua hin eviẹn ne uwa khin ne ọba Igipt rre.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.