Psalm 107:12 - Edo Bible (E Baibol Ẹdo) Version 1996

¹² Egbe wọ iran, rhunmwuda ẹsọn ne iran miẹn, iran gha de, a i miẹn ne ọ ru iyobọ.

Psalm 107:12 ပူးပေါင်းရင်းမြစ်များ

II Ọba 14:26

E Nọyaẹnmwa keghi miẹn oya vbe usẹ ne ivbi Izrẹl ye. A ma vbe miẹn ọmwa rhọkpa ne ọ yi iran obọ,

II Ọba 6:33

Uhin ighẹ te ọ he ye guan vbe ọba rre, ọ keghi kha wẹẹ, “E Nọyaẹnmwa ọ re ọ si ọlọghọmwa na ye ima egbe vbọzẹ ne I gha na ye mudia wẹ ne ọ ru emwi rhọkpa?”

Nehimaia 9:37

Emwi ne otọe mọ ladian, obọ avbe ọba ọ re ọ yo iran na uwẹ viọ yan ima rhunmwuda ne ima na rukhọ, iran ghi gha ru ima kevbe emwirri mwa, vbene ọ rhirhi a khọn iran. Uwu akhiẹ nọkhua ma ghi ye.”

Job 9:13

Ohu Osanobua i firaa, Ọ rẹnkhẹn avbe eghian rẹn hia a. Iran ni rhie obọ ye Rehab ne ugbogiorinmwi amẹ iyeke, gha gu ẹe suan.

Psalm 142:4

I gha ghe lẹga egbe mwẹ, I ghi miẹn wẹ, ọmwa ne ọ gha yọmwẹ obọ i rrọọ, ọmwa rhọkpa i zẹ yọmwẹ re.

Psalm 22:11

Ghẹ khian rrei mẹ rhunmwuda, ibaro sikẹ mwẹ, ọmwa ne ọ gha yọmwobọ i rrọ.

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 52:5

Egbọre ọ re ọ vbe sunu vbe Babilọn na, oghunmwu ọ re uwa khin, a ma vbe ha osa rhọkpa ye uwa uhunmwu. Ẹghẹ hia ọ re iran ni khaemwisẹ yan uwa ya rhuọ, iran vbe ghagha, iran ghi gha ya unu rhia mwẹ uan.

Aizaia 63:5

Ọ wa yaan mwẹ unuan, vbe I ghe lẹga vbe ne a ma na miẹn ọmwa rhọkpa ne ọ do yọmwẹ obọ. Sokpan, ohu ne ọ mu mwẹ keghi rhie ẹtin yọmwẹ iwu, I keghi tobọmwẹ khọnmiotọ.

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.

Giọgis 16:30

Ọ na datu wẹẹ, “Gie imẹ vbe emwa Filistia gba wulo!” Ọ keghi ya ẹtin ẹnrẹn hia si ẹe guọnmwẹ, owa keghi derhu avbe ọkaolotu isẹn nii kevbe emwa ọvbehe hia, emwa ne ọ gbele vbe ẹghẹ uwu ẹre keghi bun sẹ iran ne ọ gbele vbe ẹghẹ ne ọ na rre agbọn.