Psalm 106:5 - Edo Bible (E Baibol Ẹdo) Version 1996

⁵ Gunmwẹ miẹn ọẹn vbe agbọn a maa emwa ruẹn, ne I vbe ghae vbe ọ yẹnmwẹ ruẹ, vbe ọyẹnmwẹ ne ọre ọghe emwa ruẹn.

Psalm 106:5 ပူးပေါင်းရင်းမြစ်များ

II Samuẹl 20:19

Okpẹvbo ọ re ẹvbo ima khin, ọkpa vbe uwu ẹvbo ne ọfumwegbe ye sẹ kevbe ne ọ ye ekhọe ga vbe Izrẹl. Vbọzẹ ne u na ho ne u fuẹn ọnrẹn yi? Te u ho ne u mu emwi ne ọ re ọghe Osanobua rhia ra?”

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 105:43

Erriọ ọre ọ na su avbe emwa rẹn, ne ọ hannọ zẹ ladian, iran so ihuan, iran kegha we uwemwẹ oghọghọ.

Psalm 118:15

Gha họn vbene emwa we uwemwẹ akhọnmiotọ hẹ, vbe agọ emwa e Nọyaẹnmwa: “Ẹtin nọkhua ọghe Nọyaẹnmwa ọ re ọ ru ẹẹ.

Psalm 14:7

Erhunmwu ne I na ọrọre wẹ, ne akhọnmiotọ la odẹ Zaiọn sẹ egbe Izrẹl. U miẹn vbe ẹko ivbi Izrẹl gha rhiẹnrhiẹn hẹ, vbe Nọyaẹnmwa gha gie agbọn dọlegbe ma iran!

Psalm 48:11

Wa gie ẹko iran ni rre Zaiọn gha rhiẹnrhiẹn! Ohiẹn ẹmwata ọ re uwẹ bu, gie ọyẹnmwẹ gha sẹ emwa vbe otọe Juda hia.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Aizaia 66:10

Wa ghọghọ ne Jerusalẹm, wa ghọghọ ne ẹẹn, wa hia ni ho ẹmwẹ ẹvbo nii! Wa ghọghọ ne ẹẹn nian wa hia ni ka vbe viẹ ọe yi.

Joẹl 2:23

“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.

Zẹfanaia 3:14

Wa so ihuan, wa we ne oghọghọ, wa ne ivbi Izrẹl! Ye ekhọe ruẹ hia gha ghọghọ, e Jerusalẹm!

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iyẹn ne ọ Maan Ọghe Jọn 16:22

Egbe ọre ọghe uwa khin, wanwan na, wa he khiẹ nian, sokpan, I gha vbe dọlegbe miẹn uwa, ekhọe uwa ghi vuọn ne ọyẹnmwẹ, egbe ọyẹnmwẹ ne ọmwa rhọkpa i ra sẹtin gbe ye uwa egbe.

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Diuteronomi 32:9

Sokpan ọ zẹ ivbi e Jekọb zẹ vbe ọghe ọe.

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”