Psalm 106:46 - Edo Bible (E Baibol Ẹdo) Version 1996

⁴⁶ Ọ keghi ru ẹe ne agiẹngiẹn iran la ekhọe iran ni zẹ iran kpokpo.

Psalm 106:46 ပူးပေါင်းရင်းမြစ်များ

I Ọba 8:34

u ghi danmwehọ iran vbe ẹrinmwi, ya orukhọ emwa ruẹn bọ iran, ne u vbe viọ iran werriegbe gha die otọ ne u mu ne erha iran odede.

I Ọba 8:50

U ghi ye orukhọ kevbe isọtẹ iran ghe ruẹ bọ iran, ne u gie avbe eghian iran gha ya obọ esi mu iran.

II Krọnikol 30:9

A dẹghe wa werriegbe bu e Nọyaẹnmwa gha dee, ẹghẹ nii, iran ni viọ etẹn uwa oghunmwu gha rrie gha tohan iran, iran ghi gie iran werriegbe gha die owa. E Nọyaẹnmwa ne Osanobua uwa, ọmwa ne ọ fu ẹko kevbe ne ọ tohan ọmwa nọ, ọ gha rhan obọ miẹn uwa.”

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Ẹzra 9:9

Eviẹn ma te khin, sokpan, u ma sẹ ima rae ye ọviẹn ọmwa. U keghi gie avbe ọgbaisi e Pẹsia tohan mwa, iran na sẹ ima rae ye agbọn, iran na gie ima dọlọ Ọgua Osa ruẹ ne ọ te rẹnkhuan bọ, kevbe ne ima do lẹ fi a i ghi mwẹ ẹbe vbe Juda kevbe Jerusalẹm vbe edinran.

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Jerimaia 15:11

E Nọyaẹnmwa, adeghẹ ma ma ga uwẹ ẹse, gie ihẹn ne iran tie sẹ mwẹ egbe. I ma he do rinmwian an ne avbe eghian mwẹ ẹdẹ vbe iran rre uwu ibaro kevbe akhiẹ.

Jerimaia 42:12

Vbene imẹ na mwẹ itohan nii, I gha ru ẹe ne ọ vbe tohan uwa, ne ọ vbe gie uwa werriegbe gha rrie owa. Mẹ ne Nọyaẹnmwa ọ re ọ taa ẹe.’