Psalm 106:40 - Edo Bible (E Baibol Ẹdo) Version 1996

⁴⁰ Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Psalm 106:40 ပူးပေါင်းရင်းမြစ်များ

I Ọba 11:25

Rẹn keghi vbe gha re oghian Izrẹl vbe ẹghẹ ne Solomọn na gha rre agbọn.

Psalm 74:1

Vbọzẹ ne u na sẹ ima rae vbenian yi Osanobua? U gha wa mu ohu ghe emwa ruẹn rhinrin ẹdẹ ra?

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Eve Orriara 2:7

E Nọyaẹnmwa hee Ogiukpo ẹre ọ keghi kpao hin uwu Ọgua Osa ẹre nọhuanrẹn rre. Ọ gie avbe eghian guọghọ ekẹn ọnrẹn sotọ. Iran wee ye akhọnmiotọ iran vbe ehe ne ima na te ya oghọghọ ga yi.

Levitikọs 20:23

Wa ghẹ rhie uyinmwẹ emwa nigẹbọ ne I mẹ ra khulo kua ne uwa miẹn ehe na la otọ iran. Te egbe emwi dan ne iran ru wa wọ mwẹ.

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Diuteronomi 32:19

“Ugbẹn vbe Nọyaẹnmwa ghi miẹn ọna, ohu mu ẹẹn, ọ na he ivbi ẹre ne ikpia kevbe ne ikhuo.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’

Giọgis 2:14

Ohu Izrẹl keghi kakabọ mu e Nọyaẹnmwa, ọ na gie avbe ikpata gha mu bu iran yo ne iran vbe gha rha iran. Ọ keghi gie obọ avbe eghian ni lẹga iran gba iran. Ivbi Izrẹl ma ghi sẹtin da egbe iran yi hin obọ ẹbe.

Giọgis 2:20

Ohu Izrẹl keghi kakabọ mu e Nọyaẹnmwa, ọ na kha wẹẹ, “Avbe emwana rra uhi ne I rhie ne avbe erha iran odede ne iran ya gha ru emwi.

Giọgis 3:8

Rhunmwuda ọnii, ohu Izrẹl kegha mu e Nọyaẹnmwa, ọ na gie Kusian Risiatem ne ọba Mẹsopotamia khọn iran miotọ. Iran keghi ya ukpo erẹnrẹn gha rre ototọ asẹ ọre.