Psalm 106:38 - Edo Bible (E Baibol Ẹdo) Version 1996

³⁸ Iran gbele emọ ni ma rẹn okpa ọma rẹn eva nii, avbe uyinmwẹ izigha na keghi mu awua la ẹvbo.

Psalm 106:38 ပူးပေါင်းရင်းမြစ်များ

II Ọba 17:17

Iran keghi ya ivbi iran ne ikpia kevbe ne ikhuo gha zọ ese ne a giẹn uan ne ẹbọ iran ne ni ga ẹbọ, iran keghi ya gha bọ vbe ọghe ọbiro kevbe ọfiakpẹlẹ, iran keghi mu egbe iran yọ wẹ emwi pe ọ ma gba iran khian gha ru vbe odaro e Nọyaẹnmwa, rhunmwuda ọnii, iran keghi ya ẹe mu ohu.

II Ọba 21:16

E Manasẹ gbele emwa ni ma rriabe nibun sẹrriọ wẹ esagiẹn na gha lẹ okpokpo vbe ore Jerusalẹm, ọ keghi ru ọna ba ne ọ na vbe si ivbi e Juda fi ẹbọ ne a ga, ọ na ye iran sẹ ẹmwẹ e Nọyaẹnmwa.

II Ọba 24:4

kpataki, rhunmwuda emwa ni ma rukhọ ne ọ gbele, ọnii ma gie Nọyaẹnmwa yabọ e Manasẹ.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Jerimaia 19:4

I ra ni ẹe vberriọ rhunmwuda, avbe emwa na hee mwẹ yotọ nẹ, iran kevbe mu awua la emwa na vbekpa ne iran na gha zọ ese ghe avbe ẹbọ ọvbehe vbe emwa na, avbe ẹbọ ne iran tobọ iran ra avbe erha iran odede ra avbe ọba e Juda ma rẹn emwikemwi vbe ekpa ẹre. Iran ye esagiẹn emwa ni ma rukhọ vuọn emwa na.

Jerimaia 2:34

Esagiẹn ivbiogue kevbe iran ni ma rukhọ wulo lele uwa ukpọn, ẹ i re esagiẹn avbe ikpata oyi. “Sokpan, vbene uwa ye ru ena hia sẹ.

Ezikiẹl 16:20

“Iyeke ọnii, u keghi viọ emọ ikpia kevbe emọ ikhuo ne u biẹlẹ mẹ, u na ya iran zọ ese ne ẹbọ. Adeghẹ te u ma ga mwẹ,

Ezikiẹl 22:3

Tama ẹvbo nii vbene imẹ ne Nọyaẹnmwa ne Udazi kha hẹ wẹ: Rhunmwuda ighe emwa uwa nibun ẹre uwa he gbele ua, kevbe wẹ, wa ye amazẹ ne uwa gho mu awua ye egbe uwa egbe, ẹghẹ uwa wa dee.

Ezikiẹl 7:23

“Emwi hia lighi ua, avbe izigha gba otọe hia, uyinmwẹ ikẹtin vbe gba ore ẹvbo.

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Levitikọs 18:25

Uyinmwẹ iran keghi mu awua ye otọe nii, rhunmwuda ọnii, ọre Nọyaẹnmwa na rria otọe nii ikhi, vbe ne ọ na ya ẹe gha zẹ emwa ni yin ẹnrẹn owẹ.

Nọmbas 35:33

Wa gha ru ẹe vberriọ, wa gha mu awua ye otọ ne uwa ye. Te izigha si awua rrie ẹvbo, odẹ ne a la họnmwẹ otọ ne a na de izigha ne awua lahin rre irrọọ gberra ne a gbe izigha ni uan.”

Diuteronomi 21:9

A ghi miẹn wẹ, wa ghẹ ghi ru nẹ vbene e Nọyaẹnmwa ho, a i ghi ka ẹe ye uwa urhu ighẹ wa de izigha.