Psalm 106:24 - Edo Bible (E Baibol Ẹdo) Version 1996

²⁴ Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Psalm 106:24 ပူးပေါင်းရင်းမြစ်များ

Gẹnẹsis 25:34

Ẹre Jekọb ghi na rhie ebrẹd eso kevbe ikpowo nẹẹn. Rẹn keghi re, ọ na da, ọ na guakpao, ọ na gha rrie. Vbene ẹmwẹ ne ọ khẹ kẹe zẹ vbe ọmọdiọn wa sẹ vbe aro Isọ, ọre ọnii khin.

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Nọmbas 13:32

Iran na wewe iyẹn ohoghe vbe ekpa ẹvbo ne iran ya ghe gba ẹbu ivbi Izrẹl hia, Iran wẹẹ, “Evbare ne a miẹn vbe otọ nii i kue sẹ ẹvbo nii rrọọ re. Emwa ne ima miẹn hia wa ye higboo.

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Nọmbas 14:2

Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Nọmbas 14:31

Wa khare ighẹ a gha munọ ivbi uwa oghunmwu, sokpan I gha viọ iran gha rrie otọe nii ne uwa he, ọ ghi khian owa iran.

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Matiu 22:5

sokpan a ma miẹn ne ọ zẹ ye ọre hiehie, edọmwadẹ ọghọe na wa gha ru ọghọe khian, eso la odẹ ugbo, eso la odẹ ẹki.

Diuteronomi 1:26

“Sokpan, wa keghi sọtẹ, wa ma họn ẹmwẹ e Nọyaẹnmwa ne Osanobua rua, wa ma ya la otọe ni.

Diuteronomi 1:32

Sokpan egbe ne I ya talọ ẹmwẹ na hia, wa ma ye mu ẹtin yan Nọyaẹnmwa.

Diuteronomi 9:23

Ugbẹn vbe ọ ghi gie uwa kpao vbe Kedẹs Bania rre nẹ, vbene ọ na wẹ ne uwa gha khian ya mu otọe nii ne irẹn ra mu ne uwa, wa keghi sọtẹ ghe ẹre wa ma mu ẹtin yan rẹn ra ne uwa họn ẹmwẹ ọnrẹn.

Hibru 12:16

Wa mwẹ ẹwaẹn, ne ọmwaikọmwa ghẹ ya khian ne ọ gbe alama ra ne ẹ i zẹ ye ẹmwẹ orhiọn, zẹ vbe ne Isọ gha ye, ne ọ na rhunmwuda ekan unu ọkpa mu ukpo ọmọ ọdiọn ne ọ ye khiẹn.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 4:2

Rhunmwuda, ma họn nene Iyẹn Ne ọ maa nẹ zẹ vbene iran vbe họn ẹn. Iran họn nene iyẹn ne ọ maa, sokpan ọ ma mwẹ emwi esi ọkpa ne ọ ru ne iran, rhunmwuda, ẹghẹ ne iran na họn ẹn iran ma ya iyayi miẹn rẹn.

Hibru 4:6

Iran ni ka họn Iyẹn Ne ọ maa na, ma la owa ya gu Osanobua hẹwẹ, rhunmwuda iran ma yayi. Rhunmwuda ọnii, emwa ọvbehe rrọọ khekherriọ ne a ghi giẹe la owa ya gu Osanobua hẹwẹ.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.