Psalm 106:2 - Edo Bible (E Baibol Ẹdo) Version 1996

² Gha ọ gha sẹtin na iyẹn, iwinna ọyunnuan hia ne ọ he winna ẹn? De ọmwa ne ọ gha sẹtin rho ẹre zẹ vbe ne ọ ke yi?

Psalm 106:2 ပူးပေါင်းရင်းမြစ်များ

Nehimaia 9:5

Avbe Livai na — e Jesua, e Kadmiẹl, e Bani, e Hasiabneia, e Siẹrebia, e Hodaia, e Siebanaia kevbe Pẹtahia keghi datie emwa ne iran gha die ugamwẹ wẹẹ: “Wa kpaegbe, ne uwa rho e Nọyaẹnmwa ne Osanobua uwa, wa gie emwa hia rho eni ẹnrẹn ne ọ mwẹ uyi, a gha rhe miẹn wẹ urhomwẹ emwa nagbọn ne ọ sẹe i rrọọ.”

Job 26:14

Sokpan, ẹmwẹ ne ọ ya ha ọmwa ehọ, ọ re ena khin vbe ekpa ẹtin ẹnrẹn. Ewẹwẹwẹ ne ọ fi la ehọ. De ọmwa ne ọ gha sẹtin rẹn vbene ọ gele kpọlọ sẹ he ẹe?”

Job 5:9

Ma i sẹtin rẹn iwinna nọkhua ne ọ winna, iwinna ọyunnuan ẹnrẹn i vbe mwẹ ufomwẹ.

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

Ẹfisọs 1:19

Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Ẹfisọs 3:18

Ne uwa kevbe emwa Osanobua hia, sẹtin rẹn vbe ne ọ ye hẹ ighẹ uvbẹmwẹ, utanmwẹ, uyomwẹ kevbe udinmwimwẹ ọghe aho ẹmwẹ ọmwa Kristi.