Psalm 105:9 - Edo Bible (E Baibol Ẹdo) Version 1996

⁹ Ọ gha mu ile ne irẹn vbe Ebraham gba ta sẹ, kevbe eyan ne irẹn yan ma Aizik.

Psalm 105:9 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 17:2

I gha guẹ ta ile, I ghi vbe viọ emọ ivbi uniẹn ruẹn nibun nuẹn.”

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Ẹksọdọs 2:24

Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Jerimaia 11:5

“Ẹghẹ nii, I gha do mu ẹẹn sẹ ighe eyan ne I yan ma avbe erha iran odede wẹ, I gha mu otọe esi nii ne ọ maa emwiokọ, ne iran ye na ne iran.” Mẹ keghi kha wẹẹ, “I họẹn, Nọyaẹnmwa.”

Iwinna 7:8

Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.

Galatia 3:17

Emwi ne I kha ọre ọna khin: Osanobua ta ile, ọ keghi vbe yan ighẹ rẹn gha muẹn sẹ. Nene Uhi ne ọ do rre vbe ukpo ọgban ọya yan uri eva (430) gberra nẹ, ẹ i sẹtin rhie obọ rra ile ni ne ọ vbe khiẹn ẹnrẹn uan ighẹ emwi ne Osanobua ve.

Hibru 6:17

Osanobua keghi ho ne ọ rhie maa emwa ne emwi ne irẹn ve gha sẹ ọre obọ hia wẹ, rẹn i ra fi ekhọe werriẹ: rhunmwuda ọnii, ọ na rhie eyan na te emwi ne ọ ve.