Psalm 105:5 - Edo Bible (E Baibol Ẹdo) Version 1996

^5-6 Wa ne ivbi uniẹn Ebraham, ọguọmwadia ẹre; wa ne ivbi uniẹn Jekọb, ọmwa ne irẹn hannọ zẹ; wa ye iwinna ọyunnuan ne Osanobua winna ẹn rre, kevbe avbe ohiẹn ne ọ buru.

Psalm 105:5 ပူးပေါင်းရင်းမြစ်များ

Psalm 103:2

Rho e Nọyaẹnmwa wẹ ekhọe mwẹ, ghẹ vbe mianmian vbene ọ mwẹ itohan hẹ.

Psalm 119:13

Mẹ gha mu ehia go ighe avbe uhi hia ne u wẹ rhie rre.

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Psalm 77:11

Te I gha ye iwinna nekhua ne u winna ẹn rre Nọyaẹnmwa I gha ye avbe iwinna ọyunnuan ne u winnaẹn ẹkpo nẹdẹ rre.

Psalm 77:12

I gha mu emwi hia ne u he ru ro I gha rria avbe iwinna nekhua ruẹ.

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”

Diuteronomi 32:7

“Wa ro ọghe nẹdẹ, ọ ghe ẹghẹ ne ọ kpẹe fua, wa nọ erha uwa ne iran tama uwa emwi ne ọ sunu, wa nọ eniwanrẹn ne iran ta ẹghẹ nẹdẹ ma uwa.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Arhie Maan 16:7

Mẹ keghi họn vbe urhu ọkpa guan ke uwu Ogiukpo rre wẹẹ, “Nọyaẹnmwa Osanobua ne Oghodua, Ẹmwata ne uhunmwu ẹmwẹ ọre avbe ibuohiẹn ruẹn wa khin.”

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”