Psalm 105:44 - Edo Bible (E Baibol Ẹdo) Version 1996

⁴⁴ Ọ mu otọe emwa ọvbehe ne iran ọ na vbe gie iran munọ ugbo iran.

Psalm 105:44 ပူးပေါင်းရင်းမြစ်များ

II Ọba 17:37

Wa ghi gha ye ilele kevbe uhi ne I gbẹnnẹ ne uwa ru emwi vbe ẹghẹ hia. Wa ghẹ ga ẹbọ ọvbehe.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 21:43

Erriọ ọre Nọyaẹnmwa na mu ne ivbi Izrẹl otọe ni ne irẹn wa yan ma avbe erha iran odede wẹ rẹn gha mu ne iran. Iran mu otọe nii, iran na yin evba.

Jọsua 23:4

Wa danmwehọ, I ghae avbe ẹvbo ni ghi dekẹe ne avbe ẹwae uwa nẹ ne ọ gha re ọghe uwa, erriọ vbe nọ ne avbe ẹvbo ne I munọ ẹn ke Ẹzẹ Jọdan vbe odẹ ahọ kpao ya sẹ Okun Meditẹrrenian vbe odẹ orrie.

Jọsua 24:13

I keghi mu otọ ne uwa ma miẹn ẹsọn yi ne uwa, deba ẹvbo ne uwa ma bu. Evba wa ye na, wa gha rri ọmọ erhan ne a ya ru ayọn ne ọ baa vbe erhan ẹnrẹn kevbe oliv vbe erhan ne uwa ma kọ.”

Jọsua 24:8

Ẹre I na viọ uwa gha die otọ iran ne emwa Amọri ni rre odẹ ahọ ọghe Jọdan. Iran gu uwa gbinna, I keghi gie uwa khọnmiotọ vbe uhunmwu iran. Wa keghi mu otọ iran, mẹ na fuẹn iran zẹ vbene uwa ya khian ghe odaro.

Jọsua 5:11

Vbe ikpẹdẹ ne ọ wa lelẹe dandaandan, iran keghi rri evbare ne a rhọ re vbe otọe Kenan, ọka ne a tọẹn kevbe ebrẹd ne a le vbe ne a ma na rhie eyist yọọ.