Psalm 105:41 - Edo Bible (E Baibol Ẹdo) Version 1996

⁴¹ Ọ kie okuta nọkhua, amẹ na vẹ kua ọ keghi lẹ la ato gberra zẹ vbe ẹzẹ.

Psalm 105:41 ပူးပေါင်းရင်းမြစ်များ

Nehimaia 9:15

“Ẹghẹ ne ohanmwẹ na gha gbe iran, u ke ẹrinmwi koko iran. U tue amẹ ke uwu okuta gie iran, vbe ovbamẹ gbe iran, u tama iran ne iran gha kha yan otọ nii, ne u yan yi wẹ u mu ne iran.

Psalm 114:8

Ọmwa ne ọ fi okuta werriẹ khian odighi amẹ, kevbe oke okuta ni wegbe khian ẹzẹ ni lẹẹ.

Psalm 78:20

Ẹmwata nọ wẹ, ọ fi okuta emwi amẹ kegha lẹ ogbigbi ladian. Sokpan, ọ gha vbe sẹtin rhie evbare ne ima ra ne ọ vbe viọ emiowo gie emwa rẹn?”

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Aizaia 48:21

Ẹghẹ ne Nọyaẹnmwa na viọ emwa la uwu ato ne ọ kae kevbe ne ọ tọn ovbamẹ ma gbe iran. Ọ gie amẹ ke uwu okuta vẹ ladian ne iran, ọ wa gha okuta yotọ, amẹ keghi vẹ ladian.

Nọmbas 20:11

Ọre Mosis na tọn ọkpọ nii mu ọ na fi okuta nii re igba eva, ẹzẹ nọkhua kevbe le ladian vbọ, emwa nii hia kevbe emwirri iran ke ghi wọn.

I Kọrinti 10:4

Iran hia keghi vbe wọn amẹ orhiọn ọkpa nii, rhunmwuda, uwu okuta orhiọn nii ne ọ lele iran gha khian, ọre iran hia na wọn, okuta nii keghi re Kristi tobọ ẹre.