Psalm 105:16 - Edo Bible (E Baibol Ẹdo) Version 1996

¹⁶ E Nọyaẹnmwa keghi gie ukhunmwu gha rre ẹvbo iran, ọ keghi viọ evbare iran hia kpao.

Psalm 105:16 ပူးပေါင်းရင်းမြစ်များ

Gẹnẹsis 41:54

Ukpo ihinrọn ọghe ukhunmwu keghi suẹn vbene Josẹf wa tae zẹẹ. Ukhunmwu kegha fi vbe ẹvbo nekpa hia, sokpan evbare kegha rre Igipt la ehe ne ọ sẹe ehe ne ọ rhanmwẹ.

Gẹnẹsis 47:13

Ukhunmwu na keghi fi sẹrriọ wẹ, evbare i ghi rre uhunmwu otọ agbọn hia hiehiere. Ohanmwẹ keghi ye emwa Igipt kevbe Kenan khian ene mitan mitan.

Gẹnẹsis 47:19

Ghẹ gie ima wulo, Guan yọ. Ghẹ gie otọe ima de ihoi rua. Ye evbare dẹlẹ ima kevbe otọe mwa. Ma ghi gha re eviẹn ne ọba, rẹn ghi vbe yan otọe ima. Viọ ọka ne ima ne ima ghẹ wulo, ima sẹtin gha ya otọe ima gbe ugbo.”

II Ọba 8:1

Elaisia keghi tama okhuo nii ne ọ rre Siunẹm, ne irẹn huẹn ovbi ẹre kpaegbe vbe ẹrinmwi wẹ e Nọyaẹnmwa ra ru ẹe ne ohanmwẹ fi la ukpo ihinrọn, kevbe wẹ ne ọ kpao ya di ẹvbo ọvbehe ya la ukpo ihinrọn ke ẹe kevbe ẹgbẹe ẹre.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Aizaia 3:1

Banbanna nian, e Nọyaẹnmwa, e Nọyaẹnmwa ne Oghodua ra do viọ avbe emwi nii kevbe emwa nii ne iran mu ẹtin yan hin e Jerusalẹm kevbe Juda rre. Ọ ra do viọ evbare kevbe amẹ iran hin rre,

Ezikiẹl 4:16

Ọ keghi vbe rhie te ẹe wẹẹ, “Ovbi ọmwa, I ra dobọ ebrẹd ne a viọ la e Jerusalẹm yi. Egbe i ra rọkhọ emwa ni rre evba nii, ekhọe iran i ra vbe sotọ vbe iran a gha fẹko mwa evbare ne iran gha re kevbe amẹ ne iran gha wọn.

Levitikọs 26:26

I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Hagai 2:17

I gie ẹhoho kevbe owowo ne ọ giẹn emwi uan ne ọ do rhia emwi ne uwa te kọ hian a, sokpan, wa ma ye ro iro fi uyinmwẹ werriẹ.

Iwinna 7:11

Ẹkpo nii, ukhunmwu nọkhua keghi do fi vbe otọ Kenan kevbe Igipt, ọ keghi si ọlọghọmwa nọkhua rre. Avbe erha mwa odede ma miẹn evbare re.

Arhie Maan 6:8

I ghi tọn aro mu, I keghi bẹghe ẹsin ne egbe ẹre fua banbanban. Iran kegha tie ọmwa ne ọ hin ẹnrẹn khian, “Uwu.” Ẹrinmwi erhẹn keghi wa gha lele ẹre usomwẹ owẹ khian. A keghi rhie asẹ ne iran yan obọ ọkpa vbe vbe a gha wa agbọn ye ihe enẹ, ne iran ya umozo kevbe ukhunmwu kevbe emianmwẹ, kevbe avbe aranmwẹ ni khọ ni rre otọ agbọn, gbele emwa.