Psalm 105:15 - Edo Bible (E Baibol Ẹdo) Version 1996

¹⁵ “Wa ghẹ kuan eguọmwadia ne I zẹẹ egbe, wa ghẹ ya obọ kan avbe akhasẹ mwẹ.”

Psalm 105:15 ပူးပေါင်းရင်းမြစ်များ

Gẹnẹsis 20:7

Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

Gẹnẹsis 26:11

Abimẹlẹk keghi yi iyi ma emwa rẹn hia wẹẹ, “Ọmwa rhọkpa ghẹ ru ọmwa na khọ ra amwẹ ọnrẹn, a gha miẹn ọmwa ne ọ ru vberriọ, a gha gbẹe rua.”

II Samuẹl 1:14

E Devid keghi nọ rẹn wẹẹ, “Vbọ si ẹe ne ohan na gie uwẹ gbe ọba ne Nọyaẹnmwa tobọ ẹre zẹ?”

I Ọba 13:4

Ugbẹn vbe Jeroboam ne ọba ghi họn ẹmwẹ na, ọ keghi niẹn obọ da ẹre, ọ wẹẹ, “Wa mu ẹẹn ighẹ okpia nii!” Vbe ọwarọkpa nii, obọ ọba keghi zeze sẹrriọ wẹ ọ ma ghi sẹtin si ẹe werriegbe.

I Ọba 19:16

U ghi vbe ma e Jehu ne ovbi e Nimsi ọba Izrẹl. U ghi rhie Elaisia ne ovbi e Siafat ne ovbi ẹvbo ne a tie ẹre Ebel Mehola u ghi ya ẹe ma akhasẹ ye ihe egbe ruẹ.

Ẹsta 6:13

Ọ keghi na iyẹn emwi ne ọ sunu vbe egbe irẹn ma amwẹ ọnrẹn kevbe avbe esiọre. Okhuo nii kevbe avbe esiọre ni wan ni keghi tama rẹn wẹẹ, “U hẹko laghe iyeke ne Modekai khian nẹ. E Ju rẹn khin, obọ ruẹ i sẹtin ke ukhunmwu ne ẹẹn. Vbene a i na gba awẹawẹ, ọ gha ma ruẹn.”

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Jerimaia 39:12

“Wa ya gualọ e Jerimaia, ne uwa gbearoghe ẹre ẹsẹse, wa ghẹ kuan ẹre egbe sokpan, wa ru emwi ne ọ rhirhi nọ ne ẹẹn.”

Zẹkaraia 2:12

E Juda gha dọlegbe do gha re emwiobọ kpataki ọghe Nọyaẹnmwa vbe otọe ọre nọhuanrẹn, e Jerusalẹm gha do gha re okpẹvbo ne irẹn gha ho ẹmwẹ ọnrẹn sẹẹ ehia fẹẹrẹ.

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.