Psalm 104:32 - Edo Bible (E Baibol Ẹdo) Version 1996

³² Rẹn gbe aro ghe otọe, otọe kegha guọ, ọ ya obọ kan avbe oke, ehia keghi tue ighogho ladian.

Psalm 104:32 ပူးပေါင်းရင်းမြစ်များ

Psalm 114:7

Agbọn gha guọ vbe Nọyaẹnmwa a gha dee, vbe odaro e Nọyaẹnmwa ne Osanobua Jekọb.

Psalm 144:5

E Nọyaẹnmwa, va iso ne u tuorre, ya obọ kan avbe oke ni yo, iran gha vbe tue ighogho ladian.

Psalm 50:3

Osanobua mwa dee sokpan, ẹ i ra do rre okperhẹn ne ọ giẹn emwi hia rre odaro ẹre okpẹhoho ne ọ dunmwu emwi hia lẹga ẹre.

Psalm 77:16

Ugbẹn vbe amẹ bẹghe Osanobua, ohan mu iran, orinmwi amẹ okun ke gha mian.

Psalm 77:19

Wẹ ya owẹ khian la uhuemwẹ amẹ; u fian okun ne ọ dinmwi rra; sokpan a ma miẹn ama owẹ ruẹ vbe otọ.

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Emọs 8:8

Rhunmwuda ọnii, otọe gha mu rueghe, emwa ni rre otọe nii hia ghi miẹn akhiẹ. A gha mu ẹvbo nii hia rueghe. Ọ ghi gha hẹ yo hẹ rre zẹvbe Ẹzẹ e Naẹl.

Habakọk 3:10

Ugbẹn vbe avbe oke nekhua bẹghe ruẹ, iran kegha guọ zẹzẹzẹ, amẹ keghi ke iso hihiẹ rre. Amẹ ne ọ rre ototọ otọ vannọ ọẹn, ubi mwẹ amẹ ọnrẹn keghi hue ẹsẹse.

Arhie Maan 19:3

Iran keghi vbe dọlegbe datu wẹ, “Urhomwẹ nọ ne Osanobua! Te ighogho ẹvbo nọkhua ne ọ giẹn uan ni khian gha ye odukhunmwu ẹdẹdẹmwẹdẹ!”

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.