Psalm 104:31 - Edo Bible (E Baibol Ẹdo) Version 1996

³¹ Te uyi e Nọyaẹnmwa gha rrọ ẹdẹdẹmwẹdẹ! Te ọyẹnmwẹ emwi ne irẹn yi gha sẹ Nọyaẹnmwa!

Psalm 104:31 ပူးပေါင်းရင်းမြစ်များ

Gẹnẹsis 1:31

Osanobua keghi ghe emwi hia ne irẹn yi, ẹko ke sẹ ọre ọyẹnmwẹ ẹsẹse. Ẹdẹ ghi gbe ẹdẹ keghi mu, ọnii na gha re ikpẹdẹ ne ogiehan.

Psalm 102:16

Ẹghẹ ne Nọyaẹnmwa gha na dọlegbe bọ e Zaiọn, ọ gha rhie ukpọlọmwẹ irẹn maa.

Ẹksọdọs 31:17

Ama etẹbitẹ nọ ne imẹ vbe Izrẹl rhunmwuda, mẹ ne Nọyaẹnmwa, ẹdẹ ehan ọre I ya yi ẹrinmwi kevbe agbọn, vbe ikpẹdẹ ne ogihinrọn, I keghi da obọ iwinna yi, I na hẹwẹ.’ ”

Aizaia 62:5

Zẹ vbe igbama ne ọ rhie ọvbokhunvbi rọnmwẹ ọmwa ne ọ yi uwẹ gha rhie ruẹ rọnmwẹ zẹ vbene ẹko ovbiọha rhiẹnrhiẹn ọdafọn ọha erriọ ọ re ẹko rua ra gha maa Osanobua rua.

Jerimaia 32:41

I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Zẹfanaia 3:17

E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Ebe ne Pọl gbẹẹn gie emwa Rom 11:36

Rhunmwuda rẹn ọre ọ yi emwi hia, rhunmwuda ẹre ọre emwi hia na rrọọ, rẹn iran vbe rrọọ na: Uyi ọre ọghe Osanobua ẹdẹdẹmwẹdẹ. Isẹ!

Galatia 1:5

Osanobua ọ re a gha rhie uyi na ẹdẹ kevbe ẹdẹdẹmwẹdẹ. Isẹ!

Ẹfisọs 3:21

Osanobua ọre uyi gha rrọ na vbe uwu esọsi kevbe uwu Kristi Jesu, la ẹghẹ hia fẹẹrẹ, rhinrin ẹdẹdẹmwẹdẹ. Isẹ.

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

I Pita 5:11

Ọghọe ọ re ẹtin gha khin ẹdẹdẹmwẹdẹ Isẹ.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.