Psalm 104:30 - Edo Bible (E Baibol Ẹdo) Version 1996

³⁰ Sokpan, u gha rhie uhiọnrọnmwẹ ne iran, iran ghi khian ne a yi, wẹ ọre ọ rhie arrọ ọgbọn ne otọe.

Psalm 104:30 ပူးပေါင်းရင်းမြစ်များ

Job 12:10

Osanobua ọ re ọ dia ẹdẹ agbọn avbe emwi ne ọ yi; obọ ẹtin ẹnrẹn ọre ẹdẹ agbọn emwa hia ye.

Job 26:13

Uhiọnrọnmwẹ ọnrẹn ọ re ọ ya iso huan, obọ ẹre ọ re ọ gbe ugbogiorinmwi ne ọ te ra lẹfua.

Job 33:4

Orhiọn Osanobua ọ re ọ yi mwẹ ọ na vbe rhie arrọọ mẹ.

Psalm 33:6

Ẹmwẹ unu ọ re Nọyaẹnmwa ya yi avbe ẹrinmwi, ẹmwẹ ne ọ tae ọ re ọ yi owẹn, uki kevbe avbe orhọnmwẹ.

Aizaia 65:17

E Nọyaẹnmwa khare wẹẹ, “Mẹ wa yi agbọn ọgbọn nian, kevbe avbe ẹrinmwi ọgbọn. A gha mianmian emwi ni sunu vbe ẹghẹ ne ọ gberra hia fẹfẹẹfẹ.

Aizaia 66:22

“Zẹ vbene ẹrinmwi ọgbọn nii kevbe agbọn ọgbọn nii gha ye ekpa ẹtin mwẹ gha rrọọ, erriọ ọ re avbe ivbi uniẹn uwa kevbe eni uwa gha vbe gha rrọọ.

Ezikiẹl 37:5

Tama iran wẹ mẹ ne Nọyaẹnmwa ne Udazi ọ re ọ tama iran nian wẹ I ra do rhie uhiọnrọnmwẹ ye uwu uwa ne I huẹn uwa kpaegbe ne uwa gha rre agbọn.

Ezikiẹl 37:6

I gha viọ inian ne giẹrẹ kevbe nekhua ne uwa, I gha mu ikpakpa egbe rhu uwa. I gha rhie uhiọnrọnmwẹ ye uwu uwa, wa ghi gha rre agbọn, ẹghẹ nii wa gha na rẹn wẹ mẹ ọrọre Nọyaẹnmwa.”

Ezikiẹl 37:9

Osanobua keghi tama mwẹ wẹẹ, “Ovbi ọmwa, ta ẹmwẹ akhasẹ ma ẹhoho, tama ẹhoho wẹ e Nọyaẹnmwa ne Udazi wẹ ne ọ ke igienenẹ gha dee, ne ọ do hiọnrọn ye uwu ikun emwa na, ne ọ ye iran khian ni rre agbọn.”

Ẹfisọs 2:1

Vbe ẹghẹ ne ọ gberra, wa kegha re ne ọ wulo vbe orhiọn, rhunmwuda a i họn ẹmwẹ kevbe orukhọ uwa.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Arhie Maan 21:5

Ọmwa ne ọ tota ye ẹkete keghi kha wẹẹ, “Wanwanna nian, I ya emwi hia khian ọgbọn.” Ọ keghi vbe tama mwẹ wẹẹ, “Gbẹnnẹ emwi na ye otọ rhunmwuda ẹmwata ọre avbe emwi na khin, a sẹtin yae yi ẹro.”