Psalm 104:15 - Edo Bible (E Baibol Ẹdo) Version 1996

¹⁵ Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Psalm 104:15 ပူးပေါင်းရင်းမြစ်များ

Gẹnẹsis 18:5

I gha mu evbare eso rre. Ọna gha rhie ẹtin ne uwa ya deyan okhian uwa. Owa mwẹ ọre uwa rre, mẹ vbe mu egbe ne I ya mu ọghọ ye uwa egbe.” Iran wanniẹn tama rẹn wẹẹ, “Ọ maa, ya ru vbene u khare.”

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

Psalm 105:16

E Nọyaẹnmwa keghi gie ukhunmwu gha rre ẹvbo iran, ọ keghi viọ evbare iran hia kpao.

Psalm 23:5

Wẹ ye evbare mẹ re, sirra iran ne eghian mwẹ. Wẹ mu ọghọ orhunmwuyẹn yọ mwẹ egbe u keghi sa ukpu mwẹ ne ọ vuọn sẹ ukpẹ.

Psalm 92:10

U ya mwẹ wegbe zẹ vbe ede, u ya oghọghọ we mwẹ nẹ.

Itan 31:6

Ayọn ne ọ fian, avbe emwa ni ra ghi wu ọ re ọ ke na, iran ni rre uwu agbọn ọrhiae.

Itan 31:7

Gie iran da ayọn ne iran ta mianmian ogue kevbe usẹ ne iran ye.

Asan-Ibo 10:19

Te evbare eghọ ye ọyẹnmwẹ sẹ ọmwa, erriọ ọ re ayọn vbe ya aro ọmwa maa vbe uhunmwu, sokpan ne obọ ruẹ gha sẹtin gba i rrọ adeghẹ igho i rrọọ.

Asan-Ibo 8:1

Ọmwa ne ọ wan okpa ọ re ọ rẹn emwi ne a mobọ ya emwi kha. Ẹwaẹn ọ re ọ ya ẹe mu ẹẹn mu ẹẹn ogiẹ, ọ ghi vbe gia ho aro ẹre ne sukusuku bẹkun.

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Aizaia 3:1

Banbanna nian, e Nọyaẹnmwa, e Nọyaẹnmwa ne Oghodua ra do viọ avbe emwi nii kevbe emwa nii ne iran mu ẹtin yan hin e Jerusalẹm kevbe Juda rre. Ọ ra do viọ evbare kevbe amẹ iran hin rre,

Aizaia 55:10

“Te ẹmwẹ mwẹ yevbe amẹ kevbe esia ni rhọ ke iso rre do gha ya otọ khuẹrhẹ. Iran ọ re ọ ya emwiokọ wan, ne a na miẹn emwi ne a ya kọ kevbe ne a re.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Ezikiẹl 14:13

“Ovbi ọmwa, uhunmwu ẹvbo okpa gha rukhọ ighẹ ọ ma mudia ẹse ghe mwẹ, I gha nien obọ ladian, I ghi guọghọ ehe ne ọ la miẹn evbare kua. I gha gie ukhunmwu, I ghi gbele emwa nagbọn kevbe avbe aranmwẹ ba ẹre.

Ezikiẹl 4:16

Ọ keghi vbe rhie te ẹe wẹẹ, “Ovbi ọmwa, I ra dobọ ebrẹd ne a viọ la e Jerusalẹm yi. Egbe i ra rọkhọ emwa ni rre evba nii, ekhọe iran i ra vbe sotọ vbe iran a gha fẹko mwa evbare ne iran gha re kevbe amẹ ne iran gha wọn.

Ezikiẹl 5:16

I gha dobọ evbare ne ọ rrie ehe ne uwa ye yi ne ohanmwẹ miẹn ehe na gbe uwa. Wa gha miẹn obalọ ohanmwẹ nii zẹ vbe ọghe ifẹnmwẹ ni mu ne a ya salọ uwa, ne ọ gbele uwa a.

Levitikọs 26:26

I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Iyẹn ne ọ Maan Ọghe Mak 14:23

Ọ keghi vbe mu ukpu, ugbẹn vbe ọ ghi kpọnmwẹ Osanobua nẹ, ọ mu ne iran, iran hia keghi wọn vbọ.

Iyẹn ne ọ Maan Ọghe Luk 7:46

U ma kpe ehe ori ne uhunmwu mwẹ, sokpan ori ne ọ winhin ọre ọ ya khuẹ mwẹ owẹ.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

Diuteronomi 28:40

Erhan ọliv gha zọ gba ehe hia vbe otọ uwa, sokpan wa i khian gha mwẹ ofigbọn ọliv rhunmwuda ọmọ ọliv ni gha khuọn kua.

Diuteronomi 8:3

“Ọ ye ovbamẹ gbe uwa, ọ na do rhie mana ne uwa re, evbare ne uwa kevbe avbe erha uwa odede ma he re ẹdẹ. Te ọ ru ọna rhie ma uwa wẹ evbare ọkpa ma sẹ ne ọmwa ye egbe yan ne ọ ya gha rre agbọn, emwi ne ọ khẹ ke ọmwa ọrọre ẹmwẹ ne Osanobua ta ẹe.

Hibru 1:9

U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

Giọgis 19:5

Ọ ghi sẹ owiẹ ikpẹdẹ ne ogienẹ, iran keghi rherhe rhiọrre, iran na mu egbe ne iran kpao. Sokpan erha okhuo nii keghi tama e Livai nii wẹẹ, “Wa ka rri evbare nẹ, erriọ ọ gha na fu egbe sẹ, u sẹtin kpaegbe vbe a gha zẹkpẹe.”

Giọgis 9:13

Erhan ayọn nii keghi kha wẹẹ, ‘Onii nọ wẹ ne I sẹ ẹmwẹ ayọn mwẹ ne ọ ya ẹko rhiẹnrhiẹn agbọn vbe ẹrinmwi rae ne I do gha khaemwisẹ yan uwa.’

Giọgis 9:9

Erhan oliv nii keghi wanniẹn wẹẹ, ‘Ọnii rhie maa wẹ ne I sẹ ẹmwẹ ofigbọn mwẹ ne a ya mu ọghọ ye avbe ẹrinmwi kevbe emwa ne agbọn egbe rae, ne I do gha khaemwisẹ yan uwa.’