Psalm 104:1 - Edo Bible (E Baibol Ẹdo) Version 1996

¹ Rhie urhomwẹ ne Nọyaẹnmwa wẹ ekhọe mwẹ, e Nọyaẹnmwa Osanobua mwẹ, a miẹn vbene uwẹ kpọlọ hẹ! Orrirri ọba kevbe uyi ọre a rhuan uwẹ re zẹvbe ukpọn.

Psalm 104:1 ပူးပေါင်းရင်းမြစ်များ

Psalm 103:22

Wa rho e Nọyaẹnmwa, wa ne emwi ne irẹn yi hia, ni rre ehe hia ne irẹn gbearoghe, rhie urhomwẹ ne Nọyaẹnmwa, wẹ ekhọe mwẹ!

Psalm 104:35

Te a gha guọghọ avbe emwa orukhọ hin agbọn rre, ai ghẹ dọlegbe miẹn emwa dan ọvbehe. rho e Nọyaẹnmwa wẹ ekhọe mwẹ! Rho e Nọyaẹnmwa!

Psalm 145:3

E Nọyaẹnmwa kpolo, ọmwa ne a kakabọ rho ẹre vbe nọ, ukpọlọmwẹ ọnrẹn gberra ne ọ gia rẹn otọ ẹre.

Psalm 7:1

E Nọyaẹnmwa Osanobua mwẹ, I bu ruẹ rre ne I do lẹ gbinna an. Fan mwẹ ye otọ, ne u vbe miẹn mwẹ fan vbe obọ iran ni khu mwẹ khian.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Psalm 95:3

Rhunmwuda, Nọyaẹnmwa. Osanobua nọkpọlọ ọre nọ, kevbe ọba ne ọ kpọlọ sẹ ẹbọ hia.

Psalm 96:6

Uyi kevbe oyọnyọn ọba gba ẹre egbe, ẹtin kevbe osẹ vuọn Ọgua Osa ẹre.

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Daniẹl 7:9

Ehe ne I na ye ghe ẹre nii, a keghi munọ avbe ẹkete yotọ. Ọmwa nii ne ọ wa rrọ dee ẹdẹdẹmwẹdẹ keghi tota ye ọkpa vbe avbe ẹkete nii, ukpọn rẹn keghi fuọfua vbe isonorhọ, eto ẹre keghi yevbe ititi oru ne a ma gua. Ẹkete ẹre ni ne a mu yan emwi ne ọ lẹga vbe owẹ imọto erhẹn, keghi zẹ ogidi erhẹn kua.

Daniẹl 9:4

I na erhunmwu ghe e Nọyaẹnmwa Osanobua mwẹ, I keghi miẹn orukhọ emwa mwẹ kue I keghi kha wẹẹ, “E Nọyaẹnmwa Osanobua mwẹ, wẹ kpọlọ ẹsẹse, ma vbe ya ọghọ nuẹn. Te uwẹ rhie obọ lele ile ne u tae, u keghi mwẹ aho ẹmwẹ ọmwa ne ẹ i fafaa ghe iran ni ho ẹmwẹ ruẹn, iran na vbe gha ya uhi ruẹ ru emwi.

Habakọk 1:12

E Nọyaẹnmwa, ke omuhẹn fẹẹrẹ gha dee, wẹ ọrọre Osanobua. Wẹ ọrọre Osanobua mwẹ, nọhuanrẹn kevbe etẹbitẹ. Nọyaẹnmwa, Osanobua kevbe ọmwa ne ọ degue mwẹ hin ẹbe rre, wẹ hannọ ivbi e Babilọn zẹ, u keghi ya iran wegbe ne iran miẹn ehe na gha rri ima oya.