Psalm 103:3 - Edo Bible (E Baibol Ẹdo) Version 1996

³ Ọ ya orukhọ mwẹ hia bọ mwẹ, ọ vbe mu mwẹ egbe rran hin emianmwẹ hia.

Psalm 103:3 ပူးပေါင်းရင်းမြစ်များ

II Samuẹl 12:13

E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.

Psalm 130:4

Sokpan, te uwẹ ya bọ mwa, ne ima gha ya imuegberriotọ họn ẹmwẹ ne uẹn.

Psalm 130:8

Ọ gha miẹn Izrẹl ne emwa rẹn fan, hin uwu orukhọ iran rre.

Psalm 147:3

Ọ mu iran ne ekhọe ẹre rhiae egbe rran, ọ keghi vbe gbalọ iran ẹwẹn.

Psalm 30:2

Nọyaẹnmwa Osanobua mwẹ, I tu tie ruẹ nọ iyobọ. U keghi mu mwẹ egbe rran

Psalm 41:8

Iran ghi wẹẹ, “Emianmwẹ uwu ọ re ọ khuọnmwi na, ẹ i ghi kpaegbe vbe ukpo ni ọvbehe.”

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Ẹksọdọs 34:7

Mẹ vbe mu eyan mwẹ sẹ igba arria isẹn vbe inu ihe ne ọ khin. ne ọ ya iba, ọkhọ, kevbe emwi dan bọ ọmwa, sevba ne ẹ i mianmian ne ọ ya rria ikhi orukhọ ne avbe erha iran ru vbe egbe ivbi iran ya sẹ orre ne ogienẹ.”

Aizaia 33:24

A i ghi vbe miẹn orhiọnkpa vbe ẹvbo ima ne ọ gha kha wẹ rẹn khuọnmwi, a gha vbe ya orukhọ hia bọ ọmwa.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Jerimaia 17:14

Nọyaẹnmwa, mu mwẹ egbe rran, egbe gha wa rran mwẹ giẹnrẹn; yuo mwẹ ladian, I gha vbe fe vbe obọ ẹbe fẹẹrẹ, wẹ ọrọre ọmwa ne imẹ rho vbe uyi!

Nọmbas 12:13

Ẹre Mosis na datu tie Nọyaẹnmwa wẹẹ, “Osanobua, mu ẹre egbe rran.”

Iyẹn ne ọ Maan Ọghe Mak 2:5

Jesu ghi miẹn vbene iran mwẹ iyayi hẹ, ọ tama ọmwa ne arọ kinmwi ni wẹ, “Ovbi mwẹ, a ye orukhọ ruẹ bọọ.”

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Jems 5:15

Erhunmwu ne a ye iyayi na, gha miẹn ọmwa ne ọ khuọnmwi nii fan, Nọyaẹnmwa gha rhie egberranmwẹ nẹẹn, a ghi vbe ya orukhọ ne ọ te ru bọ ẹe.