Psalm 103:2 - Edo Bible (E Baibol Ẹdo) Version 1996

² Rho e Nọyaẹnmwa wẹ ekhọe mwẹ, ghẹ vbe mianmian vbene ọ mwẹ itohan hẹ.

Psalm 103:2 ပူးပေါင်းရင်းမြစ်များ

II Krọnikol 32:25

Sokpan, e Hẹzekaia keghi hio sẹrriọ wẹ ọ ma sẹtin kpọnmwẹ ye ẹse ne Nọyaẹnmwa ru ne ẹẹn, e Juda kevbe Jerusalẹm keghi rrioya ye emwi na ẹsẹse.

Psalm 105:5

Wa ne ivbi uniẹn Ebraham, ọguọmwadia ẹre; wa ne ivbi uniẹn Jekọb, ọmwa ne irẹn hannọ zẹ; wa ye iwinna ọyunnuan ne Osanobua winna ẹn rre, kevbe avbe ohiẹn ne ọ buru.

Psalm 106:21

Iran mianmian Osanobua ne ọ miẹn iran fan vbekpa iwinna nekhua ne ọ winna ẹn vbe Igipt.

Psalm 106:7

Avbe erha mwa odede ni gha rre Igipt, ma rẹn otọ iwinna ọyunnuan, ọghe Osanobua. Iran mianmian ẹghẹ nibun, ne ọ na rhie aho ẹmwẹ ọmwa rẹn ma iran, iran keghi sọtẹ ghe Oghodua, vbe Okun ne Nọbaa.

Psalm 116:12

De emwi ne imẹ gha rhie ne Nọyaẹnmwa rhunmwuda ẹse hia ne ọ ru mẹ?

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Diuteronomi 32:18

Iran mianmian Osanobua iran, ọmiọnmwafan iran nọkhua ọmwa ne ọ rhie arrọọ ne iran.

Diuteronomi 32:6

Erriọ ọ re uwa ra ru e Nọyaẹnmwa ra, wa ne akpa ne ẹ i mwẹ ẹwaẹn? Rẹn ọrọre erha uwa, ọmwa ne ọ yi uwa, rẹn ọ re ọ ya uwa khian okpẹvbo.

Diuteronomi 6:12

Wa ghi gie aro uwa da ẹe we wa ma mianmian e Nọyaẹnmwa ne ọ viọ uwa ke Igipt ladian vbe ehe ne uwa na te re eviẹn.

Giọgis 5:2

“Wa rho e Nọyaẹnmwa! Ivbi Izrẹl keghi wa yan yọ ne iran gbinna; emwa nii hia keghi ye oghọghọ rhie egbe yọ.

Giọgis 5:9

Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!