Psalm 103:13 - Edo Bible (E Baibol Ẹdo) Version 1996

¹³ Zẹ vbene erha tohan ivbi ẹre, erriọ e Nọyaẹnmwa tohan iran ni ya ọghọ ne ẹẹn.

Psalm 103:13 ပူးပေါင်းရင်းမြစ်များ

Psalm 103:11

Zẹ vbe ne iso yo rrei ne otọ erriọ ọre aho ẹmwẹ ọmwa rẹn kpolo ghe iran ni ya ọghọ ne ẹẹn.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 147:11

Sokpan iran ni ya ọghọ ne ẹẹn ọ re ọ ye ẹko rhiẹnrhiẹn ọẹn iran ni mu ẹtin van aho ẹmwẹ ọmwa rẹn ne ẹ i beghe.

Itan 3:12

Emwa ne Nọyaẹnmwa ho ẹmwẹ ọnrẹn ọ re ọ dia ye odẹ, zẹ vbene erha dia ọmọ ne ọ ya hio ye odẹ.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Nọmbas 11:12

Ẹ i re mẹ ọre ọ yi iran, ẹ i re imẹ ọ biẹlẹ iran! Vbu a ghi na wẹ ne I ru zẹ vbe ọkokọmọ ne I viọ iran ye ekuabọ mwẹ zẹ vbe ọmọmọ gha rrie otọ ne u ve wẹ u gha mu ne avbe erha iran odede hẹ?

Matiu 6:32

(Emwi na hia ọre enimayayi si osi ba.) Erha uwa ne ọ rre ẹrinmwi rẹnrẹn ighe ẹ i mwẹ amamwẹ ọnrẹn avbe emwi na hia khin ne uwa.

Matiu 6:9

Vbenian ọre uwa ya gha na erhunmwu, “ ‘Erha mwa ne ọ rre ẹrinmwi: Gia ya ọghọ ne eni ruẹ nọhuanrẹn,

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Diuteronomi 3:5

Ẹvbo ne a kha na hia, ta a wa gbe ekẹn ni yo ga iran, ẹkhu kevbe ogba ọre a ya khui ehia. Igue ne a ma gbe ekẹn ga a ni bun kevbe gha rrọọ.