Psalm 103:1 - Edo Bible (E Baibol Ẹdo) Version 1996

¹ Rho e Nọyaẹnmwa, wẹ ekhọe mwẹ! emwi hia ni rre uwu imẹ, wa rho eni ẹnrẹn ne ọ huanrẹn!

Psalm 103:1 ပူးပေါင်းရင်းမြစ်များ

Psalm 103:22

Wa rho e Nọyaẹnmwa, wa ne emwi ne irẹn yi hia, ni rre ehe hia ne irẹn gbearoghe, rhie urhomwẹ ne Nọyaẹnmwa, wẹ ekhọe mwẹ!

Psalm 104:1

Rhie urhomwẹ ne Nọyaẹnmwa wẹ ekhọe mwẹ, e Nọyaẹnmwa Osanobua mwẹ, a miẹn vbene uwẹ kpọlọ hẹ! Orrirri ọba kevbe uyi ọre a rhuan uwẹ re zẹvbe ukpọn.

Psalm 111:1

Wa rho e Nọyaẹnmwa! I gha ya ekhọe mwẹ hia kpọnmwẹ e Nọyaẹnmwa; vbe uwu ẹbu avbe emwa rẹn.

Psalm 138:1

Ekhọekekhọe mwẹ hia, ọ re I ya kpọnmwẹ ọn Nọyaẹnmwa, mẹ so ihuan rho ruẹ, sirra avbe iran ne ẹbọ.

Psalm 145:1

I gha ta ọta ukpọlọmwẹ ruẹn, Osanobua mwẹ kevbe ọba mwẹ, I gha kpọnmwẹ uwẹ ẹdẹ kevbe ẹdẹdẹmwẹdẹ.

Psalm 47:7

Osanobua ọrọre ọba uhunmwu otọ agbọn hia wa so ihuan rho ẹre!

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 99:3

Emwa hia rho eni ẹnrẹn nọkhua, ne ọ vuọn ne orrirri ọba, Ne ọ huanrẹn ọ re eni ẹnrẹn khin.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Iyẹn ne ọ Maan Ọghe Jọn 4:24

Orhiọn ọre Osanobua khin, iran ni gae, ọ kere ne iran ya orhiọn gae vbe ẹmwata.”

I Kọrinti 14:15

Vbe i a ghẹ ghi ru ẹe hẹ khekherriọ? I gha ya orhiọn mwẹ na erhunmwu, sokpan I gha vbe ya ekhọe mwẹ na erhunmwu, I gha ya orhiọn mwẹ so ihuan, sokpan I gha vbe ya ekhọe mwẹ so ihuan.

Filipai 1:9

Erhunmwu ne I na ne uwa ọre ọna khin, I na erhunmwu wẹ ne aho ẹmwẹ ọmwa uwa gha wan yọ ghodaro ghodaro deba irẹnmwi ẹmwata kevbe iro ne ọ gbae.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”