Psalm 102:3 - Edo Bible (E Baibol Ẹdo) Version 1996

³ Agbọn mwẹ wa hoho ua khian vbe ighogho, ikinnegbe mwẹ wa giẹn vbe erhẹn.

Psalm 102:3 ပူးပေါင်းရင်းမြစ်များ

Job 30:30

Ikpakpa egbe mwẹ keghi khian enekhui, egbe mwẹ tọn rhunmwuda ọnii.

Psalm 119:83

Te I ghi khian ọ rhiae, I ye vbe ẹkpo ne ọ yanghaẹn ne a mu fua, sevba, I ma he ye mianmian iyi ruẹ.

Psalm 27:9

Ghẹ rhie egbe lẹre mẹ ghẹ muohu mwẹ, ghẹ khu ọguọmwadia ruẹ werriegbe, wẹ ọrọre ne ọ yọmwẹ obọ de ẹdẹ, ghẹ sẹ mwẹ rae, ghẹ fi iyeke gbe mwẹ, Osanobua ọmiọnmwafan mwẹ.

Psalm 31:10

Egbe wọ mwẹ rhunmwuda akhiẹ. Eve fian ẹdẹ mwẹ kanmwa. Olọghọ ne I ye guọghọ mwẹ egbe ye otọ. Te avbe ugboloko mwẹ ghi rẹnhuan.

Psalm 31:3

Wẹ ọrọre ugue kevbe ne ọ gbinna mẹ. Dia mwẹ ne u vbe gha su mwẹ khian, zẹ vbene u yan rẹn.

Psalm 37:20

Sokpan, avbe emwa dan gha wulo avbe eghian Nọyaẹnmwa gha hoho ua zẹ vbe obobo oha. A gha ho iran bẹkun zẹvbe ighogho.

Psalm 38:3

Uwu obalọ ọ re I ghi ye, rhunmwuda ighe ohu mu ẹẹn. Emianmwẹ gba mwẹ egbe hia. Rhunmwuda orukhọ mwẹ.

Eve Orriara 1:13

“Ọ gie erhẹn ke odukhunmwu rre, erhẹn ne ọ gha yọn vbe uwu imẹ. Ọ khuẹẹn ifi khẹ mwẹ ọ keghi sii mwẹ gbotọ. Iyeke ọnii, ọ keghi hee mwẹ yotọ ọ na sẹ mwẹ rae ye obalọ ne ẹ i mwẹ erọkhọrọkhọ.

Eve Orriara 3:4

Ọ fian mwẹ ẹwẹn, ẹwẹn ọgbọn, ọ keghi vbe bunnọ mwẹ ugboloko.

Jems 4:14

Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.