Psalm 102:27 - Edo Bible (E Baibol Ẹdo) Version 1996

²⁷ Sokpan, abọ ọkpa ni wẹ ye ẹdẹ, ẹdagbọn ruẹn i vbe mwẹ ọfo.

Psalm 102:27 ပူးပေါင်းရင်းမြစ်များ

Job 36:26

Ma i sẹtin wa rẹn ukpọlọmwẹ ọnrẹn fo, ra ne a ka inu ukpo ne ọ ye.

Psalm 90:4

Ikpẹdẹ arriaisẹn, te ọ yevbe ẹdẹ nodẹ, ne ọrhie gberra nẹ, zẹ vbe ovbi ẹghẹ kherhe, vbe asọn.

Malakai 3:6

Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Iyẹn ne ọ Maan Ọghe Jọn 8:58

Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.