Psalm 102:21 - Edo Bible (E Baibol Ẹdo) Version 1996

²¹ Rhunmwuda ọnii, a gha go wan eni ẹnrẹn vbe Zaiọn, a gha vbe rho ẹre vbe Jerusalẹm.

Psalm 102:21 ပူးပေါင်းရင်းမြစ်များ

Psalm 22:22

I gha na iyẹn emwi ne u ru mẹ, ma emwa mwẹ. I gha rho ruẹ vbe uwu ẹbu iran:

Psalm 79:11

Họn utumwẹ obalọ ọghe iran ni rre eghan, ne u vbe ya ẹtin ruẹn nọkhua fannọ iran ne a bu ohiẹn uwu gbe kua.

Psalm 79:13

Ẹghẹ nii, ma ne emwa ruẹn ne ohuan oghẹn ruẹn gha kpọnmwẹ ọn ẹdẹdẹmwẹdẹ ma ghi vbe gha rho ruẹ la ẹdẹ ni dee hia.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Ẹfisọs 3:21

Osanobua ọre uyi gha rrọ na vbe uwu esọsi kevbe uwu Kristi Jesu, la ẹghẹ hia fẹẹrẹ, rhinrin ẹdẹdẹmwẹdẹ. Isẹ.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.