Psalm 102:2 - Edo Bible (E Baibol Ẹdo) Version 1996

² I gha rre uwu ọlọghọmwa, ghẹ fi iyeke gbe mwẹ! U ghi danmwehọ mwẹ, ne u zẹmwẹ wanniẹn mwẹ ẹgiẹgiẹ vbe I a gha tie!

Psalm 102:2 ပူးပေါင်းရင်းမြစ်များ

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Job 7:21

Wẹ i ya orukhọ mwẹ bọ mwẹ ẹdẹ ra? Wẹ i ye abakuru mwẹ bọ mwẹ? Ẹ i ghi kpee wan, I ghi la idin mwẹ. u gha gualọ mwẹ, sokpan, mẹ kpao nẹ.”

Psalm 104:29

Wẹ gha fi iyeke gbe, ohan ghi gha mu iran, u gha miẹn iran uhiọnrọnmwẹ, iran ghi wulo, iran ghi dọlegbe ghe ekẹn ne iran ke rre.

Psalm 13:1

Inu ẹghẹ u ghi ra ye mianmian mwẹ la yi Nọyaẹnmwa? Ẹdẹdẹmwẹdẹ nọ ra? Inu ẹghẹ u ghi ra ye rhie aro lẹ mẹ la?

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 17:1

Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Psalm 22:19

E Nọyaẹnmwa, ghẹ khian rrei mẹ. Zẹgiẹgiẹ gha dee, ne u do miẹn mwẹ fan!

Psalm 27:9

Ghẹ rhie egbe lẹre mẹ ghẹ muohu mwẹ, ghẹ khu ọguọmwadia ruẹ werriegbe, wẹ ọrọre ne ọ yọmwẹ obọ de ẹdẹ, ghẹ sẹ mwẹ rae, ghẹ fi iyeke gbe mwẹ, Osanobua ọmiọnmwafan mwẹ.

Psalm 31:2

Họn urhu mwẹ, miẹn mwẹ fan nian. Gha re ugue, ne ọ gha degue mwẹ. Ọmwa ne ọ gbinna mẹ, ne ọ ra miẹn mwẹ fan.

Psalm 40:13

Nọyaẹnmwa, miẹn mwẹ fan do yọmwobọ nian.

Psalm 69:17

Ghẹ rhie egbe lẹre ne ọguọmwadia ruẹ, uwu ibaro nọkhua ọre I ye na, zẹ ẹmwẹ wanniẹn mwẹ nian.

Psalm 70:1

Osanobua, miẹn mwẹ fan! Nọyaẹnmwa yọmwẹ obọ nian!

Psalm 71:2

Rhunmwuda ighẹ ọmwata wẹ khin, yọmwẹ obọ ne u miẹn mwẹ fan. Danmwehọ mwẹ, ne u yuo mwẹ ladian.

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Ẹksọdọs 2:24

Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Aizaia 65:24

Iran te na erhunmwu fo, erhunmwu iran mẹ họn nẹ.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

I Kọrinti 10:13

Edanmwẹ ne uwa he miẹn hia, egbe ne emwa ọvbehe hia vbe miẹn nọ. Rhunmwuda, Osanobua gha yan an, te ọ muẹn sẹ, ẹ i ra kue ne a danmwẹ uwa ghe gberra vbene ẹtin uwa sẹe, sokpan ẹghẹ ne a na danmwẹ uwa ghe nii, ọ gha rhie ẹtin ne uwa ya ya egbe miẹn ẹnrẹn, ne uwa miẹn ehe na sẹtin do ọe fe.