Psalm 102:16 - Edo Bible (E Baibol Ẹdo) Version 1996

¹⁶ Ẹghẹ ne Nọyaẹnmwa gha na dọlegbe bọ e Zaiọn, ọ gha rhie ukpọlọmwẹ irẹn maa.

Psalm 102:16 ပူးပေါင်းရင်းမြစ်များ

Psalm 147:2

E Nọyaẹnmwa ra dọlegbe rhie Jerusalẹm ye ukpo ẹre, ọ ra viọ iran ni rre iwe dọlegbe rre.

Psalm 51:18

Osanobua, tohan e Zaiọn ne u yi ọre obọ, dọlegbe gbe ekẹn Jerusalẹm.

Psalm 69:35

Ọ gha miẹn Jerusalẹm fan, ọ ghi dọlọ ẹvbo ni rre Juda bọlọ. Emwa rẹn ghi gha rre evba, iran ghi yan otọe nii, ivbi uniẹn eguọmwadia ẹre gha rri oẹ vbe ukhu.

Psalm 97:6

Ẹrinmwi na iyẹn ẹmwata ẹre avbe uhunmwu ẹvbo hia vbe miẹn uyi ẹre.

Aizaia 14:26

Emwi ne I mwamwa ẹn vbe ekpa agbọn na ọ re ọnii khin, I niẹn obọ mwẹ ladian nẹ, ne I ya rri avbe uhunmwu ẹvbo oya.”

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 60:3

Avbe uhunmwu ẹvbo gha rri uwu uwanmwẹ ruẹn avbe ọba gha vbe gha die uwu ẹdẹ ọgbọn ọwuẹ.

Aizaia 60:7

Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Jerimaia 33:7

I gha ya Juda kevbe Izrẹl khian ne agbọn marẹn ẹsẹse, I ghi dọlọ iran bọ ne iran do gha ye vbene iran ka gha ye ẹghẹ ne ọ gberra.

Maika 2:9

“Wa khulo avbe ikhuo ne emwa mwẹ mwẹ kua vbe owa ne ọ yẹ iran. Wa ma ghi gie afiangbe mwẹ sẹ ivbi iran obọ ẹdẹdẹmwẹdẹ.

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”