Psalm 102:14 - Edo Bible (E Baibol Ẹdo) Version 1996

¹⁴ Avbe eguọmwadia ruẹ ho ẹmwẹ ọnrẹn, egbe ne a rhe ya fuẹn ọnrẹn uan, iran ye tohan rẹn, a gha rhe miẹn wẹ itowa ore ghi nọ.

Psalm 102:14 ပူးပေါင်းရင်းမြစ်များ

Ẹzra 1:5

Ẹkpo nii, ọ re avbe ọkaẹgbẹe ni rre ẹwae ni rre Juda kevbe Bẹnjamin, avbe ohẹn kevbe avbe Livai, deba emwa ọvbehe hia ne Osanobua ghi rhie ye ọre ekhọe, na mu egbe, ne iran do ya bọ Ọgua Osa ọghe Nọyaẹnmwa ne ọ rre Jerusalẹm.

Ẹzra 7:27

Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Nehimaia 1:3

Iran keghi tama mwẹ wẹ uwu ọlọghọmwa nọkhua ọ re iran ye ighẹ iran ni miẹn uhunmwu ya sẹ owa, kevbe wẹ avbe erhunmwuyẹn ni yin lẹga iran I zẹdẹ ghe iran sọmwa, iran kevbe tama mwẹ wẹ te ekẹn ne a gbe gaa e Jerusalẹm he ye rẹnkhuan kevbe wẹ a ma he ye dọlegbe bọ onurho ẹre ke ẹghẹ ne iran ya giẹn ọnrẹn gha dee.

Nehimaia 2:17

Sokpan, eban nian, I keghi tama iran wẹẹ, “Wa ghe uwu ọlọghọmwa ne ima ye rhunmwuda ne Jerusalẹm na rẹnkhuan, a kevbe guọghọ onurho ni rrọ ua! Wa gie ima dọlegbe gbe ekẹn ne ọ lẹga ẹvbo na, ne ima ban ukpọn emwiekhue hin ẹkun rre.”

Nehimaia 2:3

Rhunmwuda ọnii, I keghi wanniẹn wẹẹ, “U gha tọ u kpẹre Umogun, vbọzẹ ne ekhọe mwẹ i ra na rhia ugbẹn vbe a miẹn wẹ ẹvbo ne a re avbe erhamwẹ odede yi, a rẹnkhọn ruan, a keghi ya erhẹn giẹn urho ne ọ rrọọ?”

Nehimaia 4:10

Ivbi e Juda mwẹ ihuan ọkpa ne iran gha so wẹẹ: “Egbe ihẹ ne a mu wọ mwa, iku ne a ra hẹ kua gba erhan gba irri vbe ima ra ya sẹtin gbe ekẹn na hẹ ẹrẹna?”

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Nehimaia 4:6

Rhunmwuda ọnii, ma kegha gbe ekẹn nii khian, wanwanna, ọ keghi sẹ ukhiọnmwẹ uyomwẹ ọnrẹn rhunmwuda ọ ke wa rre emwa nii ekhọe ne iran winna.

Psalm 119:126

E Nọyaẹnmwa, ẹghẹ sẹe nẹ nian ne u ru emwi eso, rhunmwuda, emwa wa rra iyi ruẹ.

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Jerimaia 29:10

“E Nọyaẹnmwa khare wẹẹ, ‘Ukpo ekigbesiyenẹ ọghe Babilọn ghẹ ghi gba nẹ, I gha do zẹ ye ẹmwẹ uwa, I gha mu eyan mwẹ sẹ wẹ I gha viọ uwa dọlegbe gha die owa.

Jerimaia 30:18

E Nọyaẹnmwa khare wẹẹ, “I gha viọ emwa mwẹ werriegbe rri otọ iran I gha vbe mwẹ itohan ghe dọmwadẹ ẹgbẹe, a gha dọlegbe họ Jerusalẹm, a ghi rhie ẹguae ẹre dọlegbe ye ihe.

Daniẹl 9:16

“Wẹ gbinna ne ima vbe ẹghẹ nọ gberra, rhunmwuda ọnii, ghẹ ghi mu ohu e Jerusalẹm ọvbehe, ẹvbo ruẹ ọre nọ, oke ruẹ nọhuanrẹn nọ. Te emwa hia ni rre avbe ẹvbo ni diake mwa ghi ya ro gbe Jerusalẹm re, kẹe kevbe avbe emwa ruẹn, rhunmwuda orukhọ mwa kevbe emwi dan ne avbe erha mwa odede ru.

Ebe Rut 1:6

E Naomi keghi họn wẹ e Nọyaẹnmwa ye emwa rẹn obọ, vbene ọ na gie emwiokọ maa ne iran ẹsẹse. Rẹn keghi do mu egbe ne ọ kpao vbe Moab rre ke irẹn kevbe avbe amwẹ ivbi ẹre.