Psalm 102:1 - Edo Bible (E Baibol Ẹdo) Version 1996

¹ Rhie ehọ ye erhunmwu mwẹ Nọyaẹnmwa, vbe họn urhu mwẹ vbe I nọ iyobọ.

Psalm 102:1 ပူးပေါင်းရင်းမြစ်များ

II Krọnikol 30:27

Avbe ohẹn kevbe avbe Livai keghi na erhunmwu afiangbe e Nọyaẹnmwa ne emwa nii. Osanobua keghi họn erhunmwu iran vbe owa ẹre vbe ẹrinmwi, ọ keghi rhan obọ miẹn rẹn.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 143:4

Rhunmwuda ọnii, te I ghi ra zẹ ukpọn obọ, egbe emwi hia wa wọ mwẹ fẹẹrẹ.

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 18:6

vbe uwu ibaro mwẹ, I da tie Nọyaẹnmwa, I da tie Nọyaẹnmwa ne ọ do yọmwẹ obọ. Ọ họn urhu mwẹ vbe uwu Ọgua Osa ẹre. Ọ họn ẹn vbe I da tie ẹre ne ọ do yọmwẹ obọ.

Psalm 39:12

Họn erhunmwu mwẹ Nọyaẹnmwa ne u vbe rhie ehọ ye eve mwẹ larre ne u do yọmwẹ obọ vbe I a gha viẹ. Ẹghẹ kherhe ọ re I mwẹ ne I gha ya vbe ehe ne u ye. Zẹ vbene avbe erha mwẹ odede vbe ye.

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 5:2

Danmwehọ utumwẹ ne I tu ya nọ iyobọ Osanobua mwẹ kevbe ọba mwẹ! Wẹ ọ re I na erhunmwu ghe Nọyaẹnmwa,

Psalm 61:2

Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

Psalm 62:8

Wa ne emwa mwẹ, wa mu ẹtin yan Osanobua vbe ẹghẹ hia, wa ta enegbe uwa hia ma rẹn, rhunmwuda rẹn ọrọre ugue ne ima.

Psalm 77:3

I ghẹ ghi mu ẹmwẹ Osanobua roro, I ghi gbe igunma, I ghẹ ghi rria ẹre vbe ekhọe mwẹ, ẹtin ghi fo mwẹ.

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Eve Orriara 3:44

Vbekpa izohu ruẹ nọkhua ne ọ mwẹ imi sẹrriọ wẹ erhunmwu ima i sẹtin hae gberra.

Eve Orriara 3:8

I datu gha nọ iyobọ, sokpan, Osanobua ma zẹdẹ zẹ yọ mwẹ re;

Iyẹn ne ọ Maan Ọghe Luk 22:44

Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”