Psalm 101:5 - Edo Bible (E Baibol Ẹdo) Version 1996

⁵ Mẹ gha gia miẹn ufomwẹ ọmwaikọmwa, ne ọ ta ewẹwẹwẹ dan vbe ekpa ọmwa ọvbehe; mẹ i ra rhie otọ ne ọmwa ne ọ tọn egbe mu ke ne ọ hio.

Psalm 101:5 ပူးပေါင်းရင်းမြစ်များ

Psalm 138:6

A gha rhe miẹn wẹẹ ehe ne u ye vbe odukhunmwu yo ẹsẹse, te u ye zẹ ye avbe emwa ne a ma rẹn re, iran ni tọn egbe mu i vbe sẹtin lẹre ne uẹn.

Psalm 15:3

ọmwa ne ẹi zan emwa ọvbehe. Ọmwa ne ẹi fidọn ghe avbe esiọre, ne ẹi vbe ta ewẹwẹwẹ ye emwa ẹdogbo ẹre egbe.

Psalm 18:27

Wẹ miẹn iran ni mu egbe rriotọ fan sokpan, te uwẹ si iran ni tọn egbe mu kẹ otọ.

Psalm 50:20

Wa mu egbe ne uwa ya ba ọtẹn uwa ifi ẹzọ, ne uwa vbe gha ya ẹmwẹ ho iran.

Ẹksọdọs 20:16

“Ghẹ ba mu ẹmwẹ ohoghe ba ọmwaikọmwa.

Ẹksọdọs 23:1

“Ghẹ ta ewẹwẹwẹ. Ghẹ yi ọmworukhọ ike vbe ekpa osẹe ohoghe ne a sẹ.

Itan 10:18

Ọmwa ne ọ rhie ohu ọmwa mu ọmwa lẹre, ọhọn ohoghe nọ. Ọmwa ne ọ wewe ewẹwẹwẹ khian, akpa nọ.

Itan 20:19

Ọmwa ne ọ guẹ ewẹwẹwẹ ne a ta, ẹ i sẹtin rhie ẹmwẹ oro lẹre. Gha gban egbe ne emwa ni talọ gbe.

Itan 21:4

Emwa dan; a ma he miẹn egbe mwẹ ẹdẹ, kevbe itengbemu, ọ re ọ ye iran ru emwi. Orukhọ ọ re ena khin.

Itan 25:23

Ewẹwẹwẹ, ẹ i mwẹ ọ ma ya ohu mu ọmwa, zẹ vbene ẹ i mwẹ amẹ ma lele ẹhoho odẹ okuọ rre.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Ezikiẹl 22:9

Eso vbe uwu uwa mu ohoghe ba ọmwa ọvbehe, ne a miẹn ehe na gbele iran an, eso vbe uwu iran vbe rri avbe emwi ne a ya ru ẹbọ. Eso, orriarria ekhọe iran ọ re iran wa ya ru emwi.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Levitikọs 19:16

Ghẹ ba ọmwarhọkpa ohoghe. A deghẹ te a gu ọmwa gui ẹzọ uhunmwu, ya guan a deghẹ osẹe ruẹ gha sẹtin yọre obọ. Mẹ ọ re Nọyaẹnmwa.

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

I Kọrinti 5:11

Emwi ne i kha ọrọre wẹ, wa gha miẹn ọmwa ne ọ tie egbe ẹre ọtẹn, ne ọ yayi, ọ na gha gbe alama, ọ zuan, ọ ga ẹbọ, ọ ta ọtakhọ, ọ da ayọ gbe egbe, ra ọ gbe olighi, wa ghẹ gu ẹe mu obọ, wa ghẹ kue gu ọmwa vberriọ rri evbare.

I Timoti 3:11

Amwẹ iran ghi vbe gha re emwa ni mwẹ uyinmwẹ esi, i ghẹ ẹ i re ne ọ na iyẹn ẹrrẹ, iran ghi gha re ne aro hianrẹn, kevbe ne ọ mudia ye odẹ ẹmwata vbe emwi hia.

Taitọs 2:3

Erriọ vbe nọ, vbe tama avbe edede wẹ, ne iran gha ru emwi ọmwa ne ọ yin uyinmwẹ ne ọ huanrẹn. Ọ ma kei ne iran gha ta ọtakhọ ra ne ẹmwẹ ayọn i gi ẹe ya rẹn enegbe. Iran ghi gha ma emwa emwi esi.

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.