Psalm 101:2 - Edo Bible (E Baibol Ẹdo) Version 1996

² Uyinmwẹ mwẹ gha re ne ẹ i mwẹ abaku, de ẹghẹ ne u gha ya bu mwẹ rre? I gha yin uyinmwẹ ne ọ khuiae vbe owa mwẹ.

Psalm 101:2 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

I Ọba 11:4

ọ ghi khian ọmaẹn nẹ, iran keghi si ẹe la ẹbọ ẹrrẹ ne a gho, ọ ma ghi ye ekhọe lele Nọyaẹnmwa Osanobua ẹre zẹ vbene Devid ne erha ẹe gha ye.

I Ọba 9:4

Banbanna nian, a deghẹ u gha ga mwẹ zẹ vbene Devid ne erhaa ru vbe ekhọe ne ọ huanrẹn kevbe ne ẹ i mwẹ ikhan, u wa gha ru emwi ne I tama ruẹn hia, u na vbe ya uhi mwẹ ru emwi,

II Krọnikol 15:17

A gha rhe miẹn wẹ Asa ma wa guọghọ aro ẹbọ iran nigẹbọ hia fo vbe otọe nii, te irẹn wa ya ekhọe ẹmwata mudia ke Nọyaẹnmwa vbe ẹdẹ agbọn rẹn hia.

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Psalm 101:6

Mẹ gha guan ẹse ye ọghe iran ni rhie ekhọe lele Osanobua, I gha gie iran gha rre ẹguae mwẹ. Iran ne ẹ i mwẹ okeke hiehiere I gha gie iran gha ru eguọmwadia mwẹ.

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 119:115

Wa kpao vbe ehe ne I ye rre, emwa orukhọ, I gha lele iyi Osanobua mwẹ.

Psalm 26:11

Zẹ vbe ọghomwẹ, emwi ne ọ khẹke ọ re I ru, tohan mwẹ ne u miẹn mwẹ fan.

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Ẹksọdọs 20:24

Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Aizaia 38:3

“Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Diuteronomi 6:7

Ma avbe ivbi uwa ẹre. U ghi gha ta ẹe vbe u a gha rre owa kevbe u a kpa hin owa rre, vbu a gha hẹwẹ kevbe u a gha winna.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

I Samuẹl 22:14

Ahimẹlẹk keghi wanniẹn wẹẹ, “E Devid ọ re ne ọ guobọ ruẹ sẹ vbe avbe emwa ruẹn hia! Orruan an nọ, rẹn ọ vbe re ọkaolotu emwa ne u ya khẹ egbe, emwa ni rre ẹguae ruẹ hia wa vbe ya ọghọ ne ẹẹn ẹsẹse.