Psalm 101:1 - Edo Bible (E Baibol Ẹdo) Version 1996

¹ Ihuan mwẹ re ọghe a ya ekhọe ga kevbe ohiẹn ẹmwata, wẹ ọre imẹ so ẹe na Nọyaẹnmwa.

Psalm 101:1 ပူးပေါင်းရင်းမြစ်များ

Psalm 145:7

Iran gha ta ọta umamwẹ ruẹn hia, iran ghi gha ya itohan ruẹn so ihuan.

Psalm 51:14

Fi mwẹ yi Nọyaẹnmwa, ne u miẹn mwẹ fan, mẹ gha ya oghọghọ na iyẹn ẹmwata ruẹ.

Psalm 89:1

E Nọyaẹnmwa, mẹ gha so ihuan aho ruẹ ne ẹ i beghe vbe ẹghẹ hia, I gha na iyẹn aguobọmwa ruẹn ẹdẹdẹmwẹdẹ.

Psalm 92:2

Ne a gha na iyẹn ahoẹmwọmwa ruẹn ne ẹ i beghe owiẹ owiẹ, kevbe aguobọ ọmwa ruẹn vbe asọn asọn.

Psalm 97:8

Ẹko sẹ ivbi e Zaiọn ọyẹnmwẹ, avbe ore nekhua ni rre Juda ghọghọe, ye ibuohiẹn ruẹn Nọyaẹnmwa.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Ebe ne Pọl gbẹẹn gie emwa Rom 11:22

Emwa na ọre ima na rẹn vbene Osanobua fu hẹẹ kevbe vbene ọ vbe khọ hẹẹ, ọ keghi khọ mu iran ni dele, ọ keghi fu ne uwa a deghẹ uwa gba ọghọ ufumwẹ ọnrẹn ginna egbe, sokpan deghẹ wa ma ru vberriọ, a gha vbe giagia uwa kua.