Psalm 100:5 - Edo Bible (E Baibol Ẹdo) Version 1996

⁵ Ọmwa ne ọ maa ọ re Nọyaẹnmwa khin, itohan rẹn i mwẹ ọfo, ẹmwata ẹre vbe rrọọ ẹdẹdẹmwẹdẹ.

Psalm 100:5 ပူးပေါင်းရင်းမြစ်များ

I Krọnikol 16:34

Wa rhie ekpọnmwẹ ne Nọyaẹnmwa, rhunmwuda ọ maa; etẹbitẹ ọ re aho ẹmwẹ ọmwa rẹn khin.

Ẹzra 3:11

Iran keghi sihuan ghe Nọyaẹnmwa iran na gha rra ẹre wẹẹ, “E Nọyaẹnmwa maa, etẹbitẹ ọre aho ẹmwẹ ọmwa rẹn khin ghe Izrẹl.” Emwa hia keghi wa ya ẹtin hia gha wee, iran na gha rho e Nọyaẹnmwa rhunmwuda, a suẹn iwinna ẹyotọ Ọgua Osa ne a gbe nẹ.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 107:1

Wa rhie ekpọnmwẹ ne Nọyaẹnmwa, rhunmwuda ighe ọ maa, etẹbitẹ ọre aho ẹmwẹ ọmwa rẹn khin.

Psalm 107:15

Ọ kere ne iran rho e Nọyaẹnmwa, ye aho ẹmwẹ ọmwa rẹn ne ẹ i beghe, kevbe emwi ọyunnuan ne ọ ru ne iran.

Psalm 107:22

Ọ kere ne iran zọ ese ya kpọnmwẹ ọẹn ne iran vbe ye ihuan oghọghọ, ta iwinna ne ọ winnaẹn hia.

Psalm 107:8

Ọ kere ne iran rho e Nọyaẹnmwa ye aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 119:68

A miẹn vbene u maa hẹ! A miẹn vbene u mwẹ itohan hẹ, ma mwẹ iyi ruẹ.

Psalm 138:8

U gha ru vbene u yanrẹn hia, e Nọyaẹnmwa, etẹbitẹ ọ re ahoẹmwọmwa ruẹn khin, winna iwinna ne u suẹn nẹ fo.

Psalm 146:6

Ọmwa ne ọ yi ẹrinmwi, agbọn kevbe okun, kevbe emwi hia ni rre uwu iran. Ọ mu eyan rẹn sẹ vbe ẹghẹ hia,

Psalm 25:8

Rhunmwuda ighe ọmwata kevbe ne ọ maa ọ re Nọyaẹnmwa khin. Ọ ma avbe emwa orukhọ odẹ ne iran gha lele.

Psalm 36:5

Nọyaẹnmwa, ahoẹmwọmwa ruẹn ne ẹ i beghe sẹ ẹrinmwi. A gia mu ẹtin yan ọwuẹ sẹ aro iso.

Psalm 52:1

Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.

Psalm 85:10

Ahoẹmwọmwa kevbe aguobọ egbe gha miegbe, ẹmwata kevbe ọfumwegbe gha mu egbe dede.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Diuteronomi 7:9

Wa yerre wẹ e Nọyaẹnmwa Osanobua uwa ọkpa ọrọre Osanobua, ọ vbe gia mu ẹtin yan. Ọ gha mu ile ọghe ọe sẹ, ọ ghi vba gha rhie ahoẹmwọmwa ne ẹ i fafaa ọghe ọe ma orre arriaisẹn vbe uwu iran ni ho ẹmwẹ ọnrẹn, iran na vbe gha ye uhi ẹre ru emwi.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,