Psalm 100:4 - Edo Bible (E Baibol Ẹdo) Version 1996

⁴ Wa ye ekpọnmwẹ la onurho Ọgua Osa, wa vbe ya urhomwẹ gha rriẹ ẹguae ẹre, wa gha kpọnmwẹ ọẹn, ne uwa vbe gha rho ẹre.

Psalm 100:4 ပူးပေါင်းရင်းမြစ်များ

I Krọnikol 29:13

Banbanna nian, Osanobua mwa, ma rhie ekpọnmwẹ ne uẹn, ma kevbe rho eni ruẹn ne ọ mwẹ uyi.

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

Psalm 122:2

Banbanna nian, ma sẹ emwa na nẹ, ma mudia vbe onurho e Jerusalẹm.

Psalm 122:4

Emwana ọ re avbe ẹwae hia dee, avbe ẹwae ivbi Izrẹl, ne iran do kpọnmwẹ e Nọyaẹnmwa zẹ vbene ọ yi ẹre iyi.

Psalm 65:1

Osanobua, ọ kere ne ima gha rho ruẹ vbe Zaiọn ne ima gha mu eyan ne ima yan ma ruẹn sẹ.

Psalm 66:13

I gha viọ ese ne a giẹn uan rriẹ owa ruẹ, I gha viọ emwi ne I ve ye urhu guẹ.

Psalm 95:2

Wa gie a ya ekpọnmwẹ gha die odaro ẹre ne a so ihuan oghogho ọghe urhomwẹ.

Psalm 96:2

Wa so ihuan ghe Nọyaẹnmwa, ne uwa rho ẹre; wa gha na iyẹn ne ọ maa ni ẹdẹgbegbe wẹ, Ọ miẹn ima fan nẹ.

Psalm 96:8

Wa rho eni Nọyaẹnmwa ne ọ mwẹ uyi, viọ emwi izọese rre ne uwa gha die Ọgua Osa ẹre

Psalm 99:3

Emwa hia rho eni ẹnrẹn nọkhua, ne ọ vuọn ne orrirri ọba, Ne ọ huanrẹn ọ re eni ẹnrẹn khin.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.