Psalm 100:2 - Edo Bible (E Baibol Ẹdo) Version 1996

² Wa ya oghọghọ ga Nọyaẹnmwa wa so ihuan oghọghọ gha die odaro ẹre.

Psalm 100:2 ပူးပေါင်းရင်းမြစ်များ

I Ọba 8:66

Vbe ikpẹdẹ ne ogierẹnrẹn, e Solomọn keghi zẹ. emwa ni hia urrie, iran hia keghi tian rẹn, iran kegha rrie owa vbe ne ọyẹnmwẹ na sẹ iran ye emwi esi hia ne Nọyaẹnmwa ya ne Devid ne ọguọmwadia ẹre kevbe ivbi Izrẹl ne emwa rẹn.

II Krọnikol 29:30

Ọba kevbe avbe iran ne ọkaolotu ẹvbo nii keghi tama avbe Livai ne iran so ihuan urhomwẹ ne Devid kevbe Asaf ne akhasẹ gbẹnnẹ, ghe Nọyaẹnmwa. Emwa hia keghi ye ẹko rhiẹnrhiẹn mwẹ gha so ihuan ghe Nọyaẹnmwa vbe ehe ne iran na diguẹ nii, iran na ga Osanobua.

II Krọnikol 31:2

E Hẹzekaia ne ọba keghi dọlegbe gbe ẹre igie ighẹ otu avbe ohẹn kevbe Livai, edọmwadẹ ọghọe kegha mwẹ iwinna ne a wa ne ẹẹn. Usun ena kegha re ne a zọ ese na giẹn uan kevbe isara, ne iran mwẹ obọ vbe ugamwẹ Ọgua Osa kevbe ne iran gha rhie urhomwẹ kevbe ekpọnmwẹ rre vbe ehe hia vbe Ọgua Osa.

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 71:23

I gha wee uwemwẹ oghọghọ vbe ẹghẹ ne I ya kpe emwi nuẹn I gha ya ẹtin mwẹ hia so ihuan, rhunmwuda, wẹ miẹn mwẹ fan nẹ. I gha dọlegbe gha rho ruẹ sayọ.

Psalm 95:2

Wa gie a ya ekpọnmwẹ gha die odaro ẹre ne a so ihuan oghogho ọghe urhomwẹ.

Diuteronomi 12:12

Ẹghẹ nii wa gha ghọghọ vbe odaro ẹre, kevbe ivbi uwa kevbe ọguọmwadia uwa kevbe avbe Livai ni rre ẹvbo uwa, (yerre wẹ avbe Livai i khian gha mwẹ otọ obọ iran.)

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Diuteronomi 16:14

Ke uwa kevbe ivbi uwa, eguọmwadia uwa kevbe avbe e Livai, avbe ọrriọvbe, emọ ne ẹ i mwẹ erha, kevbe avbe ẹgbẹ ni rre ẹvbo uwa, wa ghi gha ya oghọghọ ru ẹe.

Diuteronomi 28:47

E Nọyaẹnmwa keghi fiangbe uwa vbe odẹ hia sokpan wa ma ye ẹko oghọghọ kevbe ọyẹnmwẹ ga ẹe.

Filipai 4:4

Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.