Psalm 10:5 - Edo Bible (E Baibol Ẹdo) Version 1996

⁵ Ọmwa dan wa miẹn ọ dunnaẹn vbe emwi ne ọ ru hia, ẹi sẹtin rẹn otọ ibuohiẹn Osanobua. Te ọ ghe avbe eghian rẹn, silaa.

Psalm 10:5 ပူးပေါင်းရင်းမြစ်များ

Gẹnẹsis 6:12

Osanobua ghi tọn aro mu ghe agbọn, ọ keghi miẹn wẹ ọ ghe ọkhọ nọ, rhunmwuda emwa ke wa gha re emwa dan fẹfẹẹfẹ.

II Samuẹl 5:6

E Devid ne Ọba ke ẹe kevbe emwa rẹn keghi mu okuo gha rrie Jerusalẹm. Emwa ne a tie ẹre ivbi e Jebus ni yin ẹvbo na, keghi te gha ro ighẹ e Devid i ra sẹtin khọn ẹvbo nii, iran keghi rhunmwuda ọnii tama rẹn wẹẹ, “U i sẹtin sẹ emwa na ẹdẹ, avbe arhuaro kevbe avbe uke gha sẹtin khu uẹ ladian degbe ruẹ odẹ.”

I Ọba 20:13

Vbe uwu ẹghẹ ne a kha na, akhasẹ ọkpa na ya tama Ehab ne ọba wẹẹ, “E Nọyaẹnmwa khare wẹẹ, ‘Ghẹ gie ohan ivbi iyokuo ni bun na mu ẹẹn! I gha rhie ruẹ obọ yan iran uhunmwu ẹrẹna, u ghi rẹn wẹ mẹ ọrọre Nọyaẹnmwa!’ ”

Job 24:23

Osanobua sẹtin giee gha rrọọ vbe a i mwẹ ẹbe, sokpan ọ wa baba ẹe vbe ẹghẹ hia.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 73:3

Rhunmwuda, I kegha gbe ọ ma kan uwa ne iran ni tọn egbe mu, vbe I miẹn wẹ emwi wa dinna odẹ ne emwa dan.

Itan 1:19

Ẹmwẹ oyi ne a rha ọ re oyi lele rrie, emwi na ọ re ọ sunu vbe egbe ọmwa ne ọ yin uyinmwẹ ika.

Itan 15:24

Odẹ ne ọ hin odukhunmwu rrie arrọọ ọ re avbe umẹwaẹn la ighẹ ẹ i re odẹ ne ọ tuorre rrie uwu.

Itan 2:13

Avbe emwa ni sẹ emwi ẹmwata ne a ru rae ne iran ya gha rre uwu ebiebi orukhọ.

Itan 2:15

Avbe ọgueva ne ẹ i gia mu ẹtin yan.

Itan 24:1

Ghẹ gbe ọ ma kan uwa ne emwa dan, ghẹ vbe gu iran ru ọse.

Aizaia 10:1

Ọghe uwa fo nẹ! Wa ni yi uhi dan ne a ya gha wọ avbe emwa mwẹ uhunmwu.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Ebe ne Pọl gbẹẹn gie emwa Rom 3:16

Ọrhiae vbe ọzaghae ọre a ya rẹn ehe ne iran lae.

Giọgis 9:27

Iran kegha rrie ugbo iran, iran na ya kọlọ ọmọ erhan ne a ya ru ayọn ne ọ baa, iran keghi ru ayọn, iran na ya ẹe le evbare emwiukpo. Iran na gha rrie aro ẹbọ iran, iran na ya gha re, iran na ya gha da, iran na gha ye Abimẹlẹk gbe ogiẹ.

Giọgis 9:38

E Zẹbul keghi tama rẹn wẹẹ, “Orhuọ ne u rhuọ hia ghi vbo yi? Wẹ ọrọre ọmwa ne ọ nọ rẹn wẹ de emwi ne ọ zẹe ne ima na ga ọmwa na ighẹ Abimẹlẹk yi. Emwa ne u gha ya gbe ogie ena khin. Gha khian nian ne u ya gu iran gbinna.”