Psalm 10:4 - Edo Bible (E Baibol Ẹdo) Version 1996

⁴ Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 10:4 ပူးပေါင်းရင်းမြစ်များ

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

Job 22:17

Avbe emwa ni he Osanobua ye otọ ọ re ena khin, iran na yayi wẹ ẹ i miẹn emwi ru iran re.

Psalm 101:5

Mẹ gha gia miẹn ufomwẹ ọmwaikọmwa, ne ọ ta ewẹwẹwẹ dan vbe ekpa ọmwa ọvbehe; mẹ i ra rhie otọ ne ọmwa ne ọ tọn egbe mu ke ne ọ hio.

Psalm 18:27

Wẹ miẹn iran ni mu egbe rriotọ fan sokpan, te uwẹ si iran ni tọn egbe mu kẹ otọ.

Psalm 27:8

Ẹkpo ne uwẹ na kha wẹẹ, “Wa larre do gha ga mwẹ.” Mẹ keghi wanniẹn wẹẹ, “Nọyaẹnmwa, I gha rre.”

Psalm 36:1

Orukhọ gu ọmwa dan guan vbe uwu ekhọe ẹre, ọ he Osanobua ye otọ, ẹi vbe ya ọghọ ne ẹẹn.

Psalm 53:1

Avbe akpa ghi gha ye ekhọe ta ẹe wẹẹ Osanobua i rrọ; te iran hia wa kulo iran keghi vbe ru emwi ne ọ mu ohan okpa ne ọ ru emwi ne ọ gbae i rrọ.

Psalm 73:11

Iran khare wẹẹ, “Osanobua i ra rẹn, ne ọ yo sẹẹ i ra gualọ ẹe miẹn.”

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Itan 21:4

Emwa dan; a ma he miẹn egbe mwẹ ẹdẹ, kevbe itengbemu, ọ re ọ ye iran ru emwi. Orukhọ ọ re ena khin.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 3:9

Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Aizaia 59:7

Uma dan ọ re uwa si vbe ẹghẹ hia, ọ ghi vbe gha bọbọ uwa egbe ne a ru. Wa ghi gha gbe ne ọ ma rukhọ, ẹ i sọn uwa urumwẹ. Ọ rhia ẹe kevbe ọrẹnkhuan ọ re a ya rẹn ehe ne uwa lae,

Aizaia 65:2

Te imẹ te wa mu egbe vbe ẹghẹ hia ne I ya miẹn avbe emwa mwẹ yi, iran ni ya izevbudu ru emwi ne ọ ma gba, iran na gha ru ọghe iran khian.

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Iyẹn ne ọ Maan Ọghe Mak 7:21

Rhunmwuda, uwu ọmwa ọre iro dan ne ọ ya ẹe ru emwi dan hia ke ladian, alama, oyi, izigha.

Iwinna 8:22

Rhunmwuda ọnii, ro iro fi uyinmwẹ werriẹ vbe emwi dan ne u mwamwaẹn na, ne u vbe na erhunmwu ghe Nọyaẹnmwa, ne ọ miẹn ehe na ya ẹe bọ ọ ighẹ ne u na gha zẹ egbe iro vbe nian vbe ekhọe ruẹ.

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Diuteronomi 8:14

Wa ghẹ gie a miẹn wẹ te uwa ghi tọn egbe mu ne uwa ya mianmian e Nọyaẹnmwa Osanobua rua ne ọ viọ uwa ke Igipt ladian rre vbe ehe ne uwa na te re eviẹn.