Psalm 10:13 - Edo Bible (E Baibol Ẹdo) Version 1996

¹³ Vbọzẹ ne ọmwa dan gha na gha zan Osanobua yi, ọ ghi gha kha wẹẹ, “Ẹi ru mwẹ emwirhọkpa”?

Psalm 10:13 ပူးပေါင်းရင်းမြစ်များ

Gẹnẹsis 42:22

Riubẹn keghi kha wẹẹ, “I tama uwa ne uwa ghẹ ye obọ kan ọmọ nii ru ẹre emwi rhọkpa, sokpan wa ma họn. Banbanna nian, uwu ne ọ wu ọ re ima rri oya yi na.”

Gẹnẹsis 9:5

A deghẹ ọmwaikọmwa gbe ọmwa, uwu ọre I ra ya rria ẹre ikhi. Aranmwẹ ne ọ rhirhi gbe ọmwa, I gha fuọn ruan, I gha vbe rri ọre oya ighẹ ọmwaikọmwa ne ọ de ihua re izigha.

II Krọnikol 24:22

Ọba keghi mianmian ugamwẹ vbene Jehoiada ne erha Zẹkaraia ya ekhọe hia gae hẹ, ọ na gbe Zẹkaraia a. Ugbẹn vbe Zẹkaraia ghi ra wu, ọ keghi datu wẹẹ, “Te Nọyaẹnmwa gha bẹghe emwi ne u ru na ne ọ rria ruẹ ikhi yọ.”

Job 24:12

Iran ne a kuanrẹn kevbe ni wulo khian, gha tulo vbe avbe ore nekhua, sokpan, Osanobua i zẹ ye erhunmwu iran.

Job 24:23

Osanobua sẹtin giee gha rrọọ vbe a i mwẹ ẹbe, sokpan ọ wa baba ẹe vbe ẹghẹ hia.

Psalm 74:10

Vbe avbe eghian mwa ra giẹ uwẹ kpee sẹ hẹ vbe otọ yi Nọyaẹnmwa? Iran gha kpa unu ghe eni ruẹn rhinrin ẹdẹ ra?

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Nọmbas 11:20

Sokpan la uki hoho, rhinrin ọ te la uwa ehọ ladian, rhinrin ọ te do khan uwa. Ọ na gha sunu rhunmwuda ne uwa na he Nọyaẹnmwa, ne ọ gu uwa rre emwa na, wa gui ma rẹn wẹ ọ ma te kei ne uwa kpa hin Igipt rre?”

Iyẹn ne ọ Maan Ọghe Luk 10:16

Ọ keghi tama avbe erhuanegbe ẹre wẹẹ, “Ọmwa ne ọ họn ọghe uwa, họn ọghomwẹ. Ọmwa ne ọ ma miẹn uwa yi, mẹ ọre ọ ma miẹn yi, ọmwa ne ọ ma miẹn uwa yi, ọ ma miẹn ọmwa ne ọ gie mwẹ yi.”

Diuteronomi 29:18

Wa ghẹ gie a miẹn wẹ, ọ re okpia nọ ra okhuo nọ, ẹgbẹe ra ẹwae ni rre emwa ẹrẹna, fiwerriẹ hin ehe ne Nọyaẹnmwa Osanobua mwa ye rre, ne iran ya gha ga ẹbọ ẹvbo ọvbehe. Te ọnii ra gha yevbe inian ne ọ zọ ladian do khian erhan ne ọ rriara kevbe ne obi ye.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.