Psalm 10:1 - Edo Bible (E Baibol Ẹdo) Version 1996

¹ Vbe u a na khian rrei sẹrriọ hẹ yi, Nọyaẹnmwa? Vbe u a ghi na rhie egbe lẹre hẹ yi? Vbe ima rre uwu ibaro?

Psalm 10:1 ပူးပေါင်းရင်းမြစ်များ

Job 13:24

“Vbe u a ghi na rhie aro lẹre mẹ hẹ yi? Vbe u a ghi na ye aro eghian ghe mwẹ hẹ?

Job 23:9

Osanobua winna nẹ vbe odẹ Okuo kevbe Ekẹn, sokpan, mẹ ma he miẹn ọẹn.

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Psalm 22:1

Osanobua mwẹ, Osanobua mwẹ, vbọzẹ ne u na he mwẹ ye otọ? I wa kakabọ tu ya nọ iyobọ, sevba, ọ ma rre.

Psalm 27:9

Ghẹ rhie egbe lẹre mẹ ghẹ muohu mwẹ, ghẹ khu ọguọmwadia ruẹ werriegbe, wẹ ọrọre ne ọ yọmwẹ obọ de ẹdẹ, ghẹ sẹ mwẹ rae, ghẹ fi iyeke gbe mwẹ, Osanobua ọmiọnmwafan mwẹ.

Psalm 30:7

Wẹ keghi wa gha ma mẹ Nọyaẹnmwa, u keghi degue mwẹ, zẹvbe oke ne a lẹre yi sokpan, ugbẹn vbe u ghi rhie egbe lẹre mẹ, ohan kegha mu mwẹ.

Psalm 44:24

Vbua ghi na rhie aro lẹre ne ima hẹ yi? Ghẹ mianmian oya kevbe ukpokpo mwa.

Psalm 44:25

Ma dele a keghi lọkọ ima ginna otọ ma lovbiẹ ye uwu ebubẹ ne a gbele ima yi.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 88:14

Vbe u a na he mwẹ hẹ yi Nọyaẹnmwa? Vbe u a na fi iyeke gbe mwẹ hẹ?

Jerimaia 14:8

Wẹ ọrọre idaehọ okpa kẹkan ne Izrẹl mwẹ wẹ okpa kẹkan ọ re ọ miẹn ima fan vbe obọ ọfuan. Vbọzẹ ne u na ye vbe ọrriọvbe vbe otọe mwa? Zẹ vbe ọmwa ne ọ rre okhian, ne ọ gbe asọn okpa kẹkan?

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.