Psalm 1:2 - Edo Bible (E Baibol Ẹdo) Version 1996

² Sokpan, ẹko iran ghi gha rhiẹnrhiẹn ye Uhi e Nọyaẹnmwa ne a mu sẹ, iran ghi vbe gha ruẹ ọre, avan kevbe asọn.

Psalm 1:2 ပူးပေါင်းရင်းမြစ်များ

Gẹnẹsis 24:63

Ọ keghi ladian vbe ẹdogbota ne ọ ya rhie ẹhoho vbe ore, ọ na miẹn avbe ekẹtẹkẹtẹ vbe iran dee.

Ẹzra 7:10

Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 104:34

Te ihuan ne I so gha yẹ ọre, rhunmwuda, ehe ne irẹn ye, ọre orhiẹnrhiẹn mwẹ ke rre.

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 119:1

Afiangbe ọrọre ọghe iran ne uyinmwẹ ọnrẹn gbae, ni vbe yin zẹ vbene uhi e Nọyaẹnmwa khare.

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Psalm 119:35

Gunmwẹ gha mu uhi ruẹ sẹ, rhunmwuda I miẹn ẹko rhiẹnrhiẹnmwẹ vbe uwu iran.

Psalm 119:72

Uhi ne uwẹ rhie ne emwa vuọn mwẹ aro ẹsẹse sẹ igho ni rre agbọn na hia.

Psalm 119:92

Akpawẹ ẹ i re ne uhi ruẹ na ya ọyẹnmwẹ sẹ mwẹ, I gha wu ye usẹ ne ọ sẹ mwẹ nẹ.

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Psalm 88:1

E Nọyaẹnmwa Osanobua ọmiọnmwafan mwẹ te I wa tu ne ebi ro, ọ ghi sẹ asọn, I keghi bu ruẹ gha dee.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

I Tẹsalonaika 2:9

Ẹ i mwẹ ne uwa ghẹ yerre etẹn mwẹ, vbene ima winna miẹn ẹsọn hẹẹ. Asọn kevbe avan, ọre ima ya gha winna ne ima ghẹ miẹn ehe na gha re emwi idobọ ne uwa, vbe ẹghẹ ne ima na kpe orhu nene Iyẹn Ne ọ maa ma uwa.

I Timoti 4:15

Gha ya avbe emwi na rue emwi, ne u vbe zẹ egbe ruẹ obọ ne iran, ne alaghodaro ruẹ miẹn ehe na gha re ne aro emwa hia sẹẹ.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Jọsua 1:8

U ghi miẹn wẹ a tie ebe uhi nii vbe uwu ugamwẹ uwa vbe ẹghẹ hia. U ghi gha ruẹ ọre asọn kevbe avan ne u vbe miẹn wẹ u ya emwi ne a gbẹnnẹ yọ hia ru emwi. Ẹghẹ nii, agbọn gha ma ruẹn, u ghi vbe gha ru ne a gban.

I Jọn 5:3

Rhunmwuda emwi ne a ya ahoẹmwẹ Osanobua kha ọre ọna khin, ọ rhie maa ima wẹ, ma ru vbene iyi ne irẹn yi khare. Iyi ne ọ yi, i vbe re ne ọ lọghọ ne ima gbe.