Obedaia 1:7 - Edo Bible (E Baibol Ẹdo) Version 1996

⁷ Iran nii ne uwa gba ye egbe khian hiẹ ruẹ. Iran khu ẹ hin ẹvbo ruẹ rre, iran ne uwa te gba rrọ kugbe vbe ọfumwegbe, ọ re ọ ghi do khọn ruẹn mu otọ. Avbe esiọ ne uwa gba rri evbare ọ re ọ ghi khuẹn ifi khẹ ruẹ. Ẹmwẹ ne iran ghi ta vbe ekpa ruẹ ọrọre: ‘Iguemwi ẹnrẹn ni hia ghi vbo yi?’

Obedaia 1:7 ပူးပေါင်းရင်းမြစ်များ

Psalm 41:10

Nọyaẹnmwa, tohan mwẹ, ne u mu mwẹ egbe rran, mẹ gha ha ẹre werriegbe ne avbe eghian mwẹ.

Psalm 41:9

Uhin wẹ osẹ mwẹ ne ọ sikẹ mwẹ sẹẹ, ọmwa ne I mu ẹtin yan sẹẹ ọmwa ne ọ re vbe evbare mwẹ te ọ ghi mu aro da mwẹ.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 38:22

“Vbe umian nii, I keghi bẹghe vbe a viọ avbe ikhuo ne a sẹrae vbe ẹguae Juda bu ekhaẹmwẹ e Babilọn khian. Danmwehọ emwi ne iran gha ta vbe iran khian: “ ‘Avbe ọse ọba ni sikẹ ọba sẹẹ ọ re ọ bibi ẹre odẹ, iran keghi khuan ẹre ẹmwẹ uan, eban na, owẹ ọre ghi ziẹn ye uwu ọrho nẹ, avbe ọse ọre lẹẹ sẹ ọe rae.’ ”

Jerimaia 4:30

E Jerusalẹm, ọwuẹ fo! Vbe u a ghi na ya ododo han hẹ yi? Vbe u a na viọ ikpẹrọnmwọ ye egbe hẹ? Ne u na vbe ba itiro? Te u wa te egbe ne u ba gha mose kẹkan, avbe enida ruẹ hee uẹ yotọ ne, iran ho ne iran gbuẹ ua.

Jerimaia 49:7

Emwi ne Nọyaẹnmwa ne Oghodua tae vbekpa Idọm ọ re ọna khin: “Ivbi Idọm i ghi sẹtin ye ẹrherhe iran roro emwi gba ra? Iran ni bu iran ude i ghi sẹtin tama iran emwi ne iran gha ru ra? Ẹwaẹn ne iran wan hia wa khian ne a hobẹkun ne ẹ ra?

Eve Orriara 1:19

“I kegha datie iran ni ima gba ru, sokpan, iran hee ne iran do yọmwẹ obọ Avbe ohẹn kevbe avbe ọkaolotu emwa keghi wulo lele adesẹ ore; Vbe iran te gualọ evbare ne iran gha ya do orhiọn yi.

Hozia 13:13

Ẹghẹ te wa gha rrọ ne Izrẹl gha na miẹn uhunmwu, sokpan ukọnmwẹ ma gie ẹe lo ẹre, ọ yevbe ọmọ ne a ra biẹ ne ọ wẹ rẹn ighi ke ẹko ladian.

Hozia 7:11

Izrẹl gha bobo yo bobo rre zẹ vbe elikhukhu ne ọ kọẹn; vbe okaro, emwa ni lẹ bu Igipt gha khian ne ọ de yi iran obọ, iyekọni, iran vbe lẹ bu Asiria.

Iyẹn ne ọ Maan Ọghe Jọn 13:18

“Ẹ i re uwa hia I kha. Mẹ rẹn iran ne I mẹ hannọ zẹ. sokpan ẹ i mwẹ ne ẹmwẹ ne ebe ne ọ huanrẹn khare ghẹ sẹ wẹ, ‘Ọmwa ne ọ re vbe evbare mwẹ mu aro igbinna da mwẹ.’