Obedaia 1:3 - Edo Bible (E Baibol Ẹdo) Version 1996

³ Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Obedaia 1:3 ပူးပေါင်းရင်းမြစ်များ

Gẹnẹsis 36:8

Ẹre Isọ ghi na ya yin ẹvbo oke ọghe Idọm.

II Ọba 14:7

Amazaia keghi gbele ivbi iyokuo Idọm arriaisẹn igbe (10,000) vbe Iya Umwẹ ọ te khọn mu ẹvbo ne a tie ẹre Sẹla, ọ na gha tie ẹre Joktil ne a ye tie ẹre re do sẹ ẹdẹnẹrẹ na.

II Krọnikol 25:11

Amezaia keghi ya ibaro okpia ye udinmwẹ viọ ivbiyokuo gha rrie Iya Umwẹ. Iran keghi khọn okuọ vbe evba,

II Krọnikol 25:12

iran gbele ivbiyokuo Idọm arriaisẹn igbe (10,000). Iran keghi viọ iran ne obọ iran vba ya munọ ẹre ọviẹn vbọ gha rrie uhunmwu oke ne ọ zẹ ukpẹ fioro, ne ọ rre Sẹla, iran keghi ke odọ sua iran fua, iran na do dele wu ye okuta ni rre ototọ.

Job 20:6

Ọ sẹtin wan gbighidi, ọ ghi ya tan sẹ iso, ọ ghi kpọlọ sẹrriọ wẹ uhunmwu ẹnrẹn ghi gha dekan ikpakpa iso,

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Itan 18:12

A i yọghọ ne ọmwa adeghẹ ẹ i mu egbe rriotọ; emwa ni tengbemu, odẹ ọfuan ọre iran gbẹn khian.

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Aizaia 16:6

Ivbi e Juda khare wẹẹ, “Ma họn vbene ivbi e Moab hio hẹ, ma rẹnrẹn ighe iran tọn egbe mu, iran ghi gha ya obọ rra ẹwẹe, sokpan, orhuọ ne iran rhuọ, ifianyanegbe nọ.”

Jerimaia 21:13

E Jerusalẹm, wẹ tota ye ehe ne ọ yo sẹ avbe iya ẹsẹse, zẹ vbe okuta nọkhua, ne ọ yo sẹ otọe ne ọ rriẹe ẹsẹse. Sokpan, I gha guẹ gbinna. U khare wẹ ọmwa ne ọ gha sẹtin dekun ruẹn i rrọọ ra ọmwa ne ọ gha sẹtin ha emwi ne u ya gba ogba ga egbe i rrọọ.

Jerimaia 37:9

Mẹ ne Nọyaẹnmwa ọ re ọ tama uwa nian ne uwa ghẹ ya gha rẹrẹ egbe uwa, ne uwa gha ro ighe avbe ivbi e Babilọn i ghi dọlegbe dee rhunmwuda, iran gha rre.

Jerimaia 48:28

“Wa ne emwa ni rre Moab, wa kpao vbe ore ẹvbo uwa rre. Wa ya gha rre ukpe uhunmwu oke okuta! Wa ye egbe uwa do gha yevbe idu ne ọ bọ oko ye ẹzẹ ne ọ la uguowẹ okuta.

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Jerimaia 49:4

Vbọzẹ ne uwa ne emwa nẹi gia mu ẹtin yan na vbe rhuọ yi? Egbe wọ uwa buan nẹ. Vbọzẹ ne uwa na mu ẹtin yan iwegbe uwa yi, ne uwa na vbe kha wẹ ọmwa ne ohan gha gie ẹe dekun uwa irrọ?

Ezikiẹl 28:16

U kegha winna vbe ne u na gha dẹ, u na vbe gha khiẹn, ọ na keghi si uyinmwẹ ọkpankpan kevbe orukhọ ye uẹ egbe. Mẹ keghi rhunmwuda ọnii khue hin oke mwẹ nọhuanrẹn rre, ẹre odibosa ne a wẹ ne ọ gha gbe aro ghe ruẹ na khue hin uwu ẹbu avbe okuta ni fi wainwain ni rre.

Malakai 1:4

Adeghẹ emwa Idọm ne ivbi uniẹn Isọ ghi vbe kha wẹẹ, “A guọghọ ima ẹvbo rua, sokpan, ma gha dọlegbe họlọ iran,” ẹghẹ nii, e Nọyaẹnmwa ghi vbe wanniẹn wẹẹ, “Gie iran dọlọ ẹe bọ, I gha dọlegbe dunmwu ẹẹn sẹ otọ. Emwa ghi gha tie iran ‘Ẹvbo dan’ kevbe ‘Uhunmwu ẹvbo ne ohu ẹre mu e Nọyaẹnmwa ẹdẹdẹmwẹdẹ.’ ”