Obedaia 1:20 - Edo Bible (E Baibol Ẹdo) Version 1996

²⁰ Ivbiyokuo iran ne a viọ ke odẹ okuọ Izrẹl gha rrie iwe, gha werriegbe rre do khọn mu Fonisia ya sẹ Zarefat vbe odẹ okuọ. Iran ne a ke Jerusalẹm viọ gha rrie iwe ni rre Sadis, gha khọn mu avbe ẹvbo ni rre odẹ ekẹn Juda.

Obedaia 1:20 ပူးပေါင်းရင်းမြစ်များ

Jerimaia 13:19

Avbe okpẹvbo ni rre odẹ ekẹn e Juda, okuo ghae gae ẹre nẹ, ọmwa ne ọ gha miẹn ehe la sẹ eke ne iran ye irrọ. A viọ ivbi e Juda hia kpao gha rrie iwe nẹ.”

Jerimaia 3:18

Izrẹl gha deba e Juda, iran ghi gba ke iwe gha dee, ke ẹvbo ne ọ rre odẹ okuọ nii gha dee, iran ghi gha die ẹvbo ne I mu ne avbe erha uwa odede ne ọ gha re ọghe iran ẹdẹdẹmwẹdẹ.”

Jerimaia 32:44

Emwa gha dẹlẹ ọe, a ghi vbe gbẹnnẹ ebe, a ghi gha rhie obọ yọ, a ghi vbe gha ru osẹe yọ. Ena hia gha sunu vbe otọe e Bẹnjamin, vbe avbe igue ni lẹga e Jerusalẹm, avbe okpẹvbo e Juda, avbe okpẹvbo ni rre avbe ẹvbo uhunmwu oke, ni rre odẹ ototọ oke, kevbe odẹ ekẹn e Juda. I gha dọlegbe viọ avbe emwa na gha rrie ẹvbo iran. Mẹ ne Nọyaẹnmwa tae nẹ.”

Jerimaia 33:13

Vbe adesẹ ore ẹvbo avbe uhunmwu oke, kevbe avbe ototọ oke, kevbe ahọ ọghe Juda, vbe agbọn ẹvbo e Bẹnjamin, igue hia ni lẹga Jerusalẹm, kevbe avbe okpẹvbo ni rre e Juda, ẹre avbe ọsuohuan gha na vbe dọlegbe gha ka ohuan iran, mẹ ne Nọyaẹnmwa, taa ẹe nẹ.”

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Ezikiẹl 36:12

Ivbi Izrẹl ne emwa mwẹ, I gha viọ uwa rre ne uwa do dọlegbe yin otọe nii. Ọ gha khian otọe uwa, ohanmwẹ i ghi ra dọlegbe gbe uwa emọ.

Iyẹn ne ọ Maan Ọghe Luk 4:26

Sokpan ne a gie Elaija bu i rrọọ gberra ẹgbẹ nii ne ọ rre Zẹrafat vbe otọe Saidọn.