Obedaia 1:19 - Edo Bible (E Baibol Ẹdo) Version 1996

¹⁹ Emwa ni ke odẹ ekẹn e Juda rre gha mu Idọm, iran ni ke ototọ oke odẹ orrie rre gha mu e Filistia, ivbi Izrẹl gha yan iwewe Ifreim kevbe Sameria; ivbi e Bẹnjamin gha mu e Giliad.

Obedaia 1:19 ပူးပေါင်းရင်းမြစ်များ

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

I Krọnikol 5:26

Ẹre Osanobua na ru ẹe ne Pul ne ọba nọkhua ọghe Asiria, (Rẹn a vbe tie ẹre Tiglat Pailesa) ya khọn ẹvbo nii. Ọ keghi munọ avbe ẹwae Riubẹn, e Gad ke odẹ Ahọ e Manasẹ oghunmwu kpao, ọ na ya viọ iran ye Hala, e Habọ kevbe Hara ke ọkpẹn Ẹzẹ Gozan ne iran gha rre evba ẹdẹdẹmwẹdẹ.

Ẹzra 4:17

Ọgbaisi keghi rhie ewanniẹn na gie iran: “E Rehum ne ne ọ khaemwisẹ, e Simsiai ne ọgbenbe ẹvbo, e Sameria kevbe otọe nekpa vbe odẹ Orrie ọghe Yufretes, I giotuẹ uwa.

Ẹzra 4:2

Rhunmwuda ọnii iran keghi bu e Zerubabẹl kevbe avbe ọkaẹgbẹe, iran tama iran wẹẹ, “Wa gie ima yaba uwa bọ Ọgua Osa na. Osanobua ne uwa ga ọ re ima vbe ga, te ima wa vbe zọ ese ghe ẹre ke ne Esahadọn ne ọgbaisi Asiria ya wẹ ne ima gha dee do yin edinran gha dee.”

Psalm 69:35

Ọ gha miẹn Jerusalẹm fan, ọ ghi dọlọ ẹvbo ni rre Juda bọlọ. Emwa rẹn ghi gha rre evba, iran ghi yan otọe nii, ivbi uniẹn eguọmwadia ẹre gha rri oẹ vbe ukhu.

Jerimaia 32:44

Emwa gha dẹlẹ ọe, a ghi vbe gbẹnnẹ ebe, a ghi gha rhie obọ yọ, a ghi vbe gha ru osẹe yọ. Ena hia gha sunu vbe otọe e Bẹnjamin, vbe avbe igue ni lẹga e Jerusalẹm, avbe okpẹvbo e Juda, avbe okpẹvbo ni rre avbe ẹvbo uhunmwu oke, ni rre odẹ ototọ oke, kevbe odẹ ekẹn e Juda. I gha dọlegbe viọ avbe emwa na gha rrie ẹvbo iran. Mẹ ne Nọyaẹnmwa tae nẹ.”

Jerimaia 49:1

Ẹmwẹ ne Nọyaẹnmwa tae vbe ekpa Amọn ọ re ọna khin: “Avbe ikpia ivbi Izrẹl vbo yi? A ma ghi miẹn ne ọ khọn ne ẹvbo ẹre vbọ ra? Vbọzẹ ne iran na gie avbe emwa ni gho Milkọm khọn mu otọe ẹwae e Gad, ne iran vbe yin ẹnrẹn yi?

Ezikiẹl 25:16

Rhunmwuda ọnii, te imẹ ghi ta ẹe na nian ighẹ I gha gu ivbi e Filistin gbinna, I ghi wa wabọ iran an. I gha fuẹn emwa hia ni ghi rre agbọn vbe Otọe ne ọ rriẹe ọghe Filistin.

Ezikiẹl 36:28

Ẹghẹ nii wa ghi yin otọe ne I mu ne avbe erha uwa odede. Wa ghi gha re emwa mwẹ, mẹ ghi vbe gha re Osanobua uwa.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Emọs 1:8

I gha viọ iran ni khaemwisẹ vbe Asdọd kevbe Askẹlọn kpao, I gha rri Ẹkrọn ne ẹvbo oya. Ivbi e Filistin ni ghi kẹe hia gha wulo.”

Emọs 9:12

Rhunmwuda ọnii, ivbi Izrẹl gha khọn mu ehe ne ọ ghi te kẹe vbe Idọm, kevbe avbe uhunmwu ẹvbo hia ni ka re ọghomwẹ dee yi vbe ẹghẹ ọkpa,” erriọ e Nọyaẹnmwa ne ọ ra gie emwi na sunu khare.

Maika 7:14

Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Jọsua 13:25

Otọe iran keghi re Jaza kevbe okpẹvbo ni rre Giliad hia, obọkpa vbe otọe emwa Amọn ya sẹ Aroẹ ne ọ rre odẹ ahọ ọghe Raba.

Jọsua 13:31

Obọ ọkpa vbe Giliad kevbe rrọọ, do deba Astarrọt kevbe Ẹdrẹi, avbe okpẹvbo ni rre arriọba Ọg vbe Basian. A keghi viọ ena ne obọ ọkpa vbe ẹgbẹe ivbi e Makeẹ ne ovbi Manasẹ.

Jọsua 15:21

Avbe ẹvbo ni ghi sikẹ odẹ ekẹn sẹẹ ni gha re ọghe iran, ne a miẹn wẹ ọ sikẹ uwu ọghe iran vbe Idọm kegha re Kebzil, Ẹdẹ, Jagọ,

Jọsua 15:33

Avbe ẹvbo ni rre ototọ oke kegha re. Estao, Zora, Asna,