Obedaia 1:12 - Edo Bible (E Baibol Ẹdo) Version 1996

¹² Ọ ma te kei ne u gha gbe ọvẹ ye emwi dan ne ọ rruan etuẹn ni rre Juda. Ọ ma te ke ne ẹko gha sẹ uẹ ọyẹnmwẹ vbe ẹdẹ ne iran fuan. Ọ ma te ke ne u gha giẹ iran vbe iran miẹn usẹ.

Obedaia 1:12 ပူးပေါင်းရင်းမြစ်များ

Job 18:20

Ke ahọ ya sẹ orrie, egbe hia ghi gha guẹ ọmwa ne ọ họn emwi ne ọ rruan rẹn.

Job 31:29

“I ma he ghọghọ vbe oghian mwẹ a gha rri oya ẹdẹ, ra ne I sẹ ọyẹnmwẹ vbe ẹbe a rruan iran,

Psalm 22:17

Te a ghi bẹghe ugboloko mwẹ hia. Avbe eghian mwẹ yan aro gha ghe mwẹ.

Psalm 31:18

Gue avbe ọhọn ohoghe ni unu iran ni tọn egbe mu kevbe ni hio. Iran ni ye ukpe iran sakan avbe emwa ẹmwata.

Psalm 35:15

Sokpan, mẹ ghi rre uwu ọlọghọmwa nian, iran kegha ghọghọ, iran kegha gbe ẹbu ya mwẹ gbogiẹ. Avbe orhunmwuyẹn gbe mwẹ iran kegha liki mwẹ.

Psalm 37:13

Sokpan e Nọyaẹnmwa gha giẹ emwa dan rhunmwuda ọ rẹnrẹn ighe a gha fuẹn iran an ban.

Psalm 54:7

U miẹn mwẹ fan hin uwu ibaro mwẹ hia rre aro mwẹ miẹn ọẹn vbe obọ ke ukhunmwu ne avbe eghian mwẹ.

Psalm 59:10

Osanobua mwẹ ho ẹmwẹ mwẹ, ọ gha rrọ mwẹ rre, ọ gha gun mwẹ miẹn iyeke avbe eghian mwẹ.

Psalm 92:11

Aro miẹn ọẹn nẹ vbe obọ gba avbe eghian mwẹ, I vbe họn eve avbe emwa dan.

Itan 17:5

U gha ya ivbiogue gbe ogiẹ, te u zan Osanobua ne ọ yi iran. A gha rri uwẹ oya adeghẹ te uwẹ ghọghọ ye emwi ne ọ rruan ọmwa ọvbehe.

Aizaia 37:24

U giee avbe eguọmwadia ruẹ, ne iran do rhuọ ma mwẹ ighẹ u ye avbe ikẹkẹ okuo ruẹ hia khọn ehe ne ọ yo sẹ vbe oke Lebanọn mu otọ nẹ. U rhuọ ma mwẹ wẹ evba nii ọ re u na tọnnọ avbe sida ni tan sẹẹ gbotọ deba avbe uvbiakhẹ ni mose sẹẹ hia, kevbe wẹ u sẹẹ ehe ne ọ ghi dinmwi sẹẹ vbe uwu ẹgbo nii.

Eve Orriara 2:16

Avbe eghian ruẹn hia gha ya a gbogiẹ iran ghi tọn aro ikhuiwu ye uẹ egbe. Iran ghi fi aranmwẹ ye irho gha kha wẹẹ, “Ma dunmwu ẹẹn ruan nẹ! Ẹdẹ ne ima rhie aro ye odẹ khẹ nii ọ re ọna khin!”

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Ezikiẹl 35:12

Ẹghẹ nii wẹ gha na rẹn wẹ I họn ọẹn vbe u ye a i zama ọmwa tae wẹ avbe oke Izrẹl dihoi rua nẹ kevbe wẹ te obọ ruẹ vba ẹre nian ne u rhie gbe re.

Ezikiẹl 35:15

zẹ vbene uwẹ vbe ghọghọ ye ọfuan ọghe Izrẹl ne emwi obọ mwẹ. E Sẹa ne oke nọkhua, ẹn, kevbe otọe Idom hia gha dihoi rua. Ẹghẹ nii, emwa hia gha do rẹn ighe mẹ ọrọre Nọyaẹnmwa.”

Ezikiẹl 36:5

“Mẹ ne Nọyaẹnmwa ne Udazi, vbene ohu wa ya mu mwẹ ọ re I ya gu avbe ẹvbo ni yin lẹga ẹre guan, kpataki Idọm. Iran keghi ye ọpakharha kevbe a i zama ọmwa khọn otọe mwẹ, iran na vbe munọ avbe ehe ne aranmwẹ na rria ni rrọọ.

Maika 4:11

Uhunmwu ẹvbo si koko, ne iran mu okuo gie uwa. Iran wẹẹ, “Te a gha dunmwu e Jerusalẹm sẹ otọ. Ma gha ya ẹvbo na khian itowa!”

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Jems 3:5

Erriọ ọre ẹmwẹ aranmwẹ ye, vbene ọ kanmwa sẹ nii, ọ ghi gha rhuọ orhuọ ni kọnkọn. U ghi ghe vbene ẹgbo kpọlọ hẹ ne ovbi ogiọnmwẹ erhẹn sẹtin mu erhẹn yi.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.

Arhie Maan 13:5

A keghi fan obọ ẹre ne aranmwẹ oha nii, ne ọ gha ya unu talọ ẹmwẹ dan hia, a keghi vbe rhie ẹghẹ nẹẹn ne ọ gha mwẹ asẹ la, uki eva yan iyeva.

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.